IPL 2023ની 60મી મેચમાં રવિવારે રોયલ ચેલેન્જર્સ બેંગ્લોરના કેપ્ટન ફાફ ડુપ્લેસીએ એક મોટી ઉપલબ્ધિ પોતાના નામે કરી છે. તેણે રાજસ્થાન રોયલ્સ સામેની મેચમાં 44 બોલમાં 3 ચોગ્ગા અને 2 છગ્ગાની મદદથી 55 રન બનાવ્યા અને તેણે આ ઈનિંગ દરમિયાન આઈપીએલમાં પોતાના 4,000 રન પણ પૂરા કર્યા.
ફાફ ડુ પ્લેસિસ IPLમાં 4000 રન પૂરા કરનાર ચોથો વિદેશી બેટ્સમેન બની ગયો છે. વિદેશી ખેલાડીઓમાં સૌથી વધુ રનના મામલે દિલ્હી કેપિટલ્સનો કેપ્ટન ડેવિડ વોર્નર IPLમાં કુલ 6265 રન સાથે નંબર વન પર છે.
IPLમાં 4000 રન પૂરા કરનાર વિદેશી બેટ્સમેન
1. ડેવિડ વોર્નર – 6265 રન
2. એબી ડી વિલિયર્સ – 5162
3. ક્રિસ ગેલ – 4965
4. ફાફ ડુપ્લેસી – 4034
ફાફ ડુ પ્લેસિસે IPLમાં સૌથી ઝડપી 4,000 રન પૂરા કરવાના મામલે વિરાટ કોહલીને પણ પાછળ છોડી દીધો છે. કોહલીએ 128 ઇનિંગ્સમાં આ સિદ્ધિ હાંસલ કરી હતી જ્યારે ડુ પ્લેસિસે માત્ર 121 ઇનિંગ્સમાં આ સિદ્ધિ મેળવી હતી. IPLમાં સૌથી ઝડપી 4,000 રન બનાવવાનો રેકોર્ડ KL રાહુલના નામે છે. તેણે 105 ઇનિંગ્સમાં આ સિદ્ધિ મેળવી હતી.
IPLમાં સૌથી ઝડપી 4,000 રન પૂરા કરનાર ટોપ-5 બેટ્સમેન:
1. કેએલ રાહુલ – 105 ઇનિંગ્સ
2. ક્રિસ ગેલ – 112 ઇનિંગ્સ
3. ડેવિડ વોર્નર – 114 ઇનિંગ્સ
4. ફાફ ડુપ્લેસી – 121 ઇનિંગ્સ
5. વિરાટ કોહલી – 128 ઇનિંગ્સ