ભારતમાં રમાઈ રહેલી ઈન્ડિયન પ્રીમિયર લીગ 2024માં ચાહકોને વધુ એક રોમાંચક મેચ જોવા મળી. આ મેચમાં સનરાઇઝર્સ હૈદરાબાદ અને ગુજરાત ટાઇટન્સ ટકરાયા હતા. આ મેચમાં હૈદરાબાદની ટીમને કારમી હારનો સામનો કરવો પડ્યો હતો.
ગુજરાતે તેમને તેમના હોમ ગ્રાઉન્ડ પર 7 વિકેટે કારમી હાર આપી હતી. આ મેચમાં સનરાઇઝર્સનું પ્રદર્શન સાવ સામાન્ય હતું.
મેચ બાદ ઈન્ટરવ્યુ દરમિયાન હૈદરાબાદ ટીમના કેપ્ટન પેટ કમિન્સે કહ્યું કે, ‘સારી મેચ જોવા મળી. અંતે ગળાકાપ સ્પર્ધા હતી. અમે 10-15 રન ઓછા બનાવ્યા. મને લાગે છે કે તેણે સારી બોલિંગ કરી. અમે સતત વિકેટ ગુમાવતા રહ્યા. એક પણ ખેલાડી એવો નહોતો કે જેણે અડધી સદી ફટકારી હોય. આ T20 ક્રિકેટ છે ખરું? અમે બેટથી શાનદાર પ્રદર્શન કર્યું હતું. પરંતુ આજે અમે સારું પ્રદર્શન કરી શક્યા નહીં.
આઈપીએલ 2024માં પેટ કમિન્સની આગેવાની હેઠળની સનરાઈઝર્સ હૈદરાબાદને વધુ એક હારનો સામનો કરવો પડ્યો છે. હવે તે પોઈન્ટ ટેબલમાં નીચે સરકી ગઈ છે. ગુજરાત ટાઇટન્સ સામેની મેચ દરમિયાન તેની ખામીઓ સામે આવી હતી. અમદાવાદની પીચ ઘણી ધીમી હતી. જોકે, સનરાઇઝર્સના બેટ્સમેને મોટો શોટ રમવાના પ્રયાસમાં પોતાની વિકેટ ગુમાવી દીધી હતી.
પેટ કમિન્સે હાર વિશે કહ્યું, ‘આવું ક્યારેક થાય છે. આજે એવું હતું. અમને લાગ્યું કે વિકેટ થોડી ધીમી હશે. ઓફ કટરને કારણે ઘણી મુશ્કેલી પડી હતી.