IPL 2025 પ્લેઓફ મેચ 29 મેથી શરૂ થશે, IPL 2025 પ્લેઓફ અને ફાઇનલના સ્થળ અંગે એક મોટું અપડેટ આવ્યું છે. આ ઉપરાંત, RCBના મેચનું સ્થળ પણ બદલવામાં આવ્યું છે. મંગળવારે BCCIએ પ્લેઓફ શેડ્યૂલ જાહેર કર્યું.
મંગળવારે BCCI એ IPL પ્લેઓફના સ્થળ અંગે એક બેઠક યોજી હતી. આ બેઠકમાં ફાઇનલ મેચ, બાકી રહેલી પ્લેઓફ મેચો અને આરસીબીની લીગ મેચો અંગે નિર્ણય લેવામાં આવ્યો.
રોયલ ચેલેન્જર્સ બેંગ્લોર (RCB) અને સનરાઇઝર્સ હૈદરાબાદ (SRH) વચ્ચેની મેચ લખનૌમાં ખસેડવામાં આવી છે, જે શુક્રવાર, 23 મેના રોજ બેંગલુરુમાં યોજાવાની હતી. આરસીબી હવે તેનો મુકાબલો સનરાઇઝર્સ હૈદરાબાદ સામે અને તેનો છેલ્લો લીગ મેચ 27 મેના રોજ લખનૌના એકાના સ્ટેડિયમ ખાતે લખનૌ સુપર જાયન્ટ્સ સામે રમશે. બેંગલુરુમાં હવામાનની સ્થિતિને ધ્યાનમાં રાખીને આ નિર્ણય લેવામાં આવ્યો છે.
ક્વોલિફાયર 1 અને એલિમિનેટર – અનુક્રમે 29 મે અને 30 મેના રોજ મુલ્લાનપુર, ન્યુ ચંદીગઢ ખાતે રમાશે. દેશમાં ધીમે ધીમે વરસાદની મોસમ શરૂ થઈ રહી હોવાથી, આ સ્થળો પસંદ કરતી વખતે BCCI માટે પ્રાથમિક વિચારણા હવામાનની સ્થિતિ હતી.
IPL 2025ની ફાઇનલ મેચ 3 જૂને અમદાવાદના નરેન્દ્ર મોદી સ્ટેડિયમ ખાતે રમાશે. ફાઇનલ ઉપરાંત, નરેન્દ્ર મોદી સ્ટેડિયમ ક્વોલિફાયર 2 મેચનું પણ આયોજન કરશે. આઈપીએલની ફાઇનલ પહેલા કોલકાતાના ઈડન ગાર્ડન્સ ખાતે રમવાની હતી, પરંતુ હવે આ મેચ અમદાવાદના નરેન્દ્ર મોદી સ્ટેડિયમમાં રમાશે.