IPL 2024 પહેલા ચેન્નાઈ સુપર કિંગ્સ ટીમને મોટો ઝટકો લાગ્યો છે. ટીમના એક સ્ટાર ખેલાડીએ આગામી સિઝનમાંથી પોતાનું નામ પાછું ખેંચી લીધું છે. પગની ઘૂંટીની ઈજાને કારણે આ ખેલાડી IPLની છેલ્લી સિઝનમાં માત્ર 2 મેચ જ રમી શક્યો હતો.
આવી સ્થિતિમાં હવે જોવાનું એ રહેશે કે ચેન્નાઈ સુપર કિંગ્સની ટીમ આ ખેલાડીને હરાજી પહેલા રિલીઝ કરે છે કે નહીં.
32 વર્ષના સ્ટાર ઓલરાઉન્ડર બેન સ્ટોક્સે IPL 2024માંથી પોતાનું નામ પાછું ખેંચી લીધું છે. ચેન્નાઈ સુપર કિંગ્સે એક પ્રેસ રિલીઝ દ્વારા ચાહકોને આ માહિતી આપી છે. બેન સ્ટોક્સે પોતાના વર્કલોડને મેનેજ કરવા માટે આ નિર્ણય લીધો છે. આઈપીએલ પહેલા તેમને ભારતમાં 5 ટેસ્ટ મેચની સીરિઝ રમવાની છે અને ત્યારબાદ જૂન 2024માં ટી20 વર્લ્ડ કપ પણ રમાવાનો છે. આવી સ્થિતિમાં તેણે આ મોટો નિર્ણય લીધો છે.
બેન સ્ટોક્સ ઘૂંટણની ઈજામાંથી બહાર આવવા માટે ઓપરેશન પણ કરાવશે. તેણે તાજેતરમાં જ ઈંગ્લેન્ડ માટે બેટ્સમેન તરીકે વન-ડે વર્લ્ડ કપમાં ભાગ લીધો હતો. સ્ટોક્સના ઘૂંટણનું ઓપરેશન કરવામાં આવશે જેથી તે ભારત સામે 24 જાન્યુઆરીથી શરૂ થનારી પાંચ ટેસ્ટ મેચની શ્રેણી માટે ફિટ થઈ શકે. તમને જણાવી દઈએ કે ચેન્નાઈએ હરાજીમાં બેન સ્ટોક્સને 16.25 કરોડ રૂપિયામાં ખરીદ્યો હતો. IPL 2024 માટે મિની ઓક્શન આવતા મહિને UAEમાં થશે. આવી સ્થિતિમાં, તે સ્પષ્ટ છે કે હવે ચેન્નાઈ સુપર કિંગ્સ સ્ટોક્સને રિલીઝ કરશે અને તેના સ્થાને કોઈ અન્ય વિદેશી ખેલાડી પર બોલી લગાવશે.
બેન સ્ટોક્સ IPLમાં અત્યાર સુધી 45 મેચ રમી ચૂક્યો છે. આ સમયગાળા દરમિયાન, બેન સ્ટોક્સે 935 રન બનાવ્યા છે, જેમાં તેણે 2 અડધી સદી અને 2 સદી ફટકારી છે. આ સાથે જ બેન સ્ટોક્સે પણ IPLમાં 28 વિકેટ ઝડપી છે.
Ben Stokes opted out of IPL 2024 due to workload management. pic.twitter.com/vkHx2qfA4R
— Mufaddal Vohra (@mufaddal_vohra) November 23, 2023
Pic- Times of Sports