બિહારના ૧૪ વર્ષીય સનસનાટીભર્યા બેટ્સમેન વૈભવ સૂર્યવંશીએ સૈયદ મુશ્તાક અલી ટ્રોફી (SMAT) ૨૦૨૫માં શાનદાર સદી ફટકારીને ક્રિકેટ જગતમાં ઇતિહાસ રચ્યો. કોલકાતાના ઈડન ગાર્ડન્સ ખાતે મહારાષ્ટ્ર સામે રમતા વૈભવે માત્ર ૫૮ બોલમાં અણનમ ૧૦૮ રન બનાવ્યા, જેમાં સાત છગ્ગા અને સાત ચોગ્ગાનો સમાવેશ થાય છે.
આ સિદ્ધિ સાથે, વૈભવ સૂર્યવંશી ૧૪ વર્ષની ઉંમરે ત્રણ T20 સદી ફટકારનાર વિશ્વનો એકમાત્ર ખેલાડી બન્યો. SMATમાં આ તેની પહેલી સદી હતી, અને ૧૪ વર્ષ અને ૨૫૦ દિવસમાં, તે ટુર્નામેન્ટમાં સદી ફટકારનાર સૌથી નાની ઉંમરનો બેટ્સમેન પણ બન્યો, જેમ કે BCCI ડોમેસ્ટિક દ્વારા પુષ્ટિ આપવામાં આવી છે. વૈભવની બેટિંગ દિવસેને દિવસે સુધરી રહી છે.
આ વૈભવની ત્રીજી T20 સદી છે, જે તેણે ફક્ત 16 ઇનિંગ્સમાં પૂર્ણ કરી છે. આ પહેલા, તેણે IPL 2025 માં લખનૌ સુપર જાયન્ટ્સ સામે રાજસ્થાન રોયલ્સ માટે 35 બોલમાં તોફાની સદી ફટકારી હતી. વધુમાં, તેણે એશિયા કપ રાઇઝિંગ સ્ટાર્સમાં UAE સામે 144 રનની રેકોર્ડબ્રેક ઇનિંગ રમી હતી, અને માત્ર 32 બોલમાં તેની સદી પૂરી કરી હતી. તે વિશ્વનો એકમાત્ર બેટ્સમેન છે જેણે 35 બોલ કે તેથી ઓછા સમયમાં બે T20 સદી ફટકારી છે.