ભારત અને વેસ્ટ ઈન્ડિઝ વચ્ચે 22 જુલાઈથી ODI શ્રેણી શરૂ થઈ રહી છે, પરંતુ તે પહેલા જ કેરેબિયન ટીમના ભૂતપૂર્વ વિકેટ કીપર બેટ્સમેન દિનેશ રામદીને આંતરરાષ્ટ્રીય ક્રિકેટમાંથી નિવૃત્તિ લેવાની જાહેરાત કરી દીધી છે.
2005માં વેસ્ટ ઈન્ડિઝ માટે આંતરરાષ્ટ્રીય ક્રિકેટમાં પદાર્પણ કરનાર 37 વર્ષીય રામદીને સોમવારે 18 જુલાઈના રોજ તેના ઈન્સ્ટાગ્રામ એકાઉન્ટ પર એક પોસ્ટ દ્વારા આંતરરાષ્ટ્રીય ક્રિકેટને અલવિદા કહ્યું. રામદિન લગભગ 14 વર્ષ સુધી સતત વેસ્ટ ઈન્ડિઝ ક્રિકેટ તેનો ભાગ હતો અને આ સમય દરમિયાન તેણે ત્રણેય ફોર્મેટમાં ટીમનું પ્રતિનિધિત્વ કર્યું હતું. કેટલીક મેચોમાં ટીમની કેપ્ટનશિપ પણ કરી હતી.
રામદિને તેની ઇન્સ્ટાગ્રામ પોસ્ટમાં લખ્યું કે આ 14 વર્ષની સફર તેના માટે એક સ્વપ્ન સાકાર થવા જેવી હતી અને તે નસીબદાર છે કે તેને અલગ-અલગ દેશોની મુલાકાત લેવાની અને મિત્રો બનાવવાનો મોકો મળ્યો. રામદિને લખ્યું, ‘મને જણાવતા આનંદ થાય છે કે હું આંતરરાષ્ટ્રીય ક્રિકેટમાંથી નિવૃત્તિ લઈ રહ્યો છું. છેલ્લા 14 વર્ષ મારા માટે એક સ્વપ્ન સાકાર થવા જેવા રહ્યા છે. મેં ત્રિનિદાદ-ટોબેગો અને વેસ્ટ ઈન્ડિઝ માટે ક્રિકેટ રમીને મારું બાળપણનું સપનું પૂરું કર્યું. મારી કારકિર્દીએ મને વિશ્વને જોવાની, વિવિધ સંસ્કૃતિના મિત્રો બનાવવા અને હું જ્યાંથી આવ્યો છું ત્યાં રહેવાની તક આપી.
રામદિને જુલાઈ 2005માં શ્રીલંકા સામે તેની ટેસ્ટ ડેબ્યૂ કરી હતી, ત્રણ મહિના પછી ઓક્ટોબરમાં તેણે ભારત સામે તેની વનડે ડેબ્યૂ કર્યું હતું. ત્યારથી, તે બંને ફોર્મેટમાં ટીમનો મહત્વપૂર્ણ ભાગ રહ્યો છે. આ દરમિયાન તેણે 2012 અને 2016માં વેસ્ટ ઈન્ડિઝ સાથે T20 વર્લ્ડ કપ પણ જીત્યો હતો. 2014માં પણ ડેરેન સેમી બાદ તેણે વેસ્ટ ઈન્ડિઝની ટેસ્ટ ટીમની કમાન સંભાળી હતી.
જમણા હાથના બેટ્સમેન રામદીને તેની આંતરરાષ્ટ્રીય કારકિર્દીની છેલ્લી મેચ 2019માં ભારત સામે રમી હતી. આ મેચ ડિસેમ્બર 2019માં હૈદરાબાદમાં રમાઈ હતી. એકંદરે, રામદિને તેની કારકિર્દીમાં 74 ટેસ્ટ, 139 વનડે અને 71 ટી20 મેચ રમી હતી.
View this post on Instagram