ભારતના ભૂતપૂર્વ ઓલરાઉન્ડર મનોજ પ્રભાકરને નેપાળ ક્રિકેટ ટીમના મુખ્ય કોચ તરીકે નિયુક્ત કરવામાં આવ્યા છે. પ્રભાકર હવે શ્રીલંકાના ભૂતપૂર્વ ક્રિકેટર પુબુડુ દાસનાયકેના સ્થાને મુખ્ય કોચનું પદ સંભાળશે. તેમના સમયમાં પ્રભાકર વિશ્વના શ્રેષ્ઠ ઓલરાઉન્ડરોમાંના એક હતા. હવે આંતરરાષ્ટ્રીય કોચ પણ બની ગયો છે.
પ્રભાકરે 1984 થી 1986 સુધી 39 ટેસ્ટ અને 130 વન-ડે રમી હતી. પ્રભાકર રાજસ્થાન, ઉત્તર પ્રદેશ અને દિલ્હીની રણજી ટીમના કોચ પણ રહી ચૂક્યા છે. આ સિવાય તે 2016માં અફઘાનિસ્તાન રાષ્ટ્રીય ટીમનો બોલિંગ કોચ પણ હતા. નેપાળ ક્રિકેટ એસોસિએશનના એક નિવેદન અનુસાર, પ્રભાકરે કહ્યું કે નેપાળમાં ક્રિકેટ પ્રત્યેની રુચિ અને પ્રતિભા અને કૌશલ્યને જોતા હું નેપાળ ક્રિકેટ ટીમ સાથે કામ કરવા અને તેને એક મજબૂત ટીમ બનાવવા માટે ખૂબ ઉત્સુક છું.
એક સમય એવો હતો જ્યારે 1980 અને 1990ના દાયકામાં દરેક ભારતીય ક્રિકેટ ચાહક મનોજ પ્રભાકરના નામથી સારી રીતે વાકેફ હતા. પ્રભાકરે ટીમ ઈન્ડિયા માટે 39 ટેસ્ટ મેચ રમી છે અને 37.30માં 96 વિકેટ લીધી છે અને 58 ટેસ્ટ ઇનિંગ્સમાં 32.65ની એવરેજથી 1600 રન બનાવ્યા છે. જેમાં 1 સદી અને 9 અડધી સદી સામેલ છે. મર્યાદિત ઓવરની ક્રિકેટમાં આ જ વાતની વાત કરીએ તો તેણે 130 વનડેમાં 1858 રન બનાવ્યા છે. જેમાં 2 સદી અને 11 અડધી સદી સામેલ છે. આ સિવાય તેણે 28.47ની એવરેજથી 157 વિકેટ પણ લીધી છે.
Former Indian star all rounder and Ranji trophy winning coach, Mr. Manoj Prabhakar from India has been appointed as the Head Coach of Nepal National Cricket Team.
Mr. Prabhakar has played 39 Test matches and 130 One Day Internationals for India. As a Coach, he has experience
+ pic.twitter.com/VMf60RlJNb— CAN (@CricketNep) August 8, 2022
તમારી જાણકારી માટે તમને જણાવી દઈએ કે મનોજ પ્રભાકર સેટિંગ ઓપરેશનમાં સામેલ હતા. આ ઓપરેશન દ્વારા ઘણા ક્રિકેટરોને ખુલ્લા પાડવાનો પ્રયાસ કરવામાં આવ્યો હતો, પરંતુ તેમ છતાં તેમના પર ફિક્સિંગનો આરોપ લાગ્યો હતો. આ સમગ્ર ઘટના બાદ BCCIએ મનોજ પર ક્રિકેટ રમવા પર પ્રતિબંધ લગાવી દીધો હતો. વર્ષ 2011માં તેણે દિલ્હી ટીમના કોચ પદ પરથી રાજીનામું આપવું પડ્યું હતું, કારણ કે તેણે જાહેરમાં ખેલાડીઓ અને પસંદગીકારોની ઘણી ટીકા કરી હતી.