ICC મેન્સ ક્રિકેટ વર્લ્ડ કપ 2023નું કાઉન્ટડાઉન શરૂ થઈ ગયું છે. વર્લ્ડ કપની પ્રથમ મેચ 5 ઓક્ટોબરે ઈંગ્લેન્ડ અને ન્યૂઝીલેન્ડ વચ્ચે રમાશે.
લગભગ દોઢ મહિના સુધી ચાલનારા ક્રિકેટના આ મહાકુંભમાં કુલ 48 મેચો રમાશે. જ્યારે તેની ફાઇનલ મેચ 19 નવેમ્બરે યોજાશે.
ICCએ વર્લ્ડ કપ 203ની ઈનામી રકમની જાહેરાત કરી છે. વર્લ્ડ કપ માટે કુલ 10 મિલિયન યુએસ ડોલર એટલે કે લગભગ 82.93 કરોડ રૂપિયાની ઈનામી રકમ રાખવામાં આવી છે. વર્લ્ડ કપ ફાઈનલના વિજેતા અને ઉપવિજેતા ઉપરાંત, ગ્રુપ સ્ટેજની રમતો જીતવા બદલ ઈનામી રકમ પણ આપવામાં આવશે. ચાલો જાણીએ કે ક્રિકેટ વર્લ્ડ કપ 2023 જીતનારી ટીમ પર કેટલા પૈસાનો વરસાદ થશે.
ભારતમાં યોજાનાર ODI વર્લ્ડ કપ 2023ની ચેમ્પિયન ટીમને 40 લાખ યુએસ ડોલર એટલે કે અંદાજે 33 કરોડ 17 લાખ રૂપિયાની ઈનામી રકમ મળશે. જ્યારે ફાઈનલમાં હારનાર ટીમને ઈનામી રકમ તરીકે 2 મિલિયન યુએસ ડોલર એટલે કે અંદાજે 16 કરોડ 58 લાખ રૂપિયા આપવામાં આવશે. તે જ સમયે, સેમિફાઇનલમાં હારનાર દરેક ટીમને 8 લાખ ડોલર એટલે કે લગભગ 6.63 કરોડ રૂપિયાની રકમ મળશે.
વર્લ્ડ કપના ગ્રુપ સ્ટેજમાં મેચ જીતવા બદલ ઈનામી રકમ પણ આપવામાં આવશે. ટીમોને દરેક જીત માટે 40 હજાર યુએસ ડોલર એટલે કે 33.17 લાખ રૂપિયા મળશે. આ સિવાય ગ્રુપ સ્ટેજમાંથી બહાર થનારી તમામ ટીમોને 1 લાખ ડોલર એટલે કે 82.92 લાખ રૂપિયા આપવામાં આવશે. તમને જણાવી દઈએ કે 2019 વર્લ્ડ કપમાં પણ આવી જ ઈનામી રકમ હતી.
ICC Cricket World Cup 2023
||#CricketTwitter | #ICCWorldCup2023||
Breakdown of prize money allocations
Winner (1) – $4,000,000 [₹33,25,08,400]
Runner-up (1) – $2,000,000 [₹16,62,54,200]
Losing Semi-Finalist (2) – $800,000 [₹6,65,01,680]
Teams eliminated after group… pic.twitter.com/p8WHIVKxyS
— Manobala Vijayabalan (@ManobalaV) September 25, 2023