કોઈ પણ ખેલાડી માટે શૂન્ય પર આઉટ થવુ ખૂબ જ શરમજનક બાબત છે. પરંતુ ઘણી વખત એવું બને છે કે બેટ્સમેન શૂન્ય પર આઉટ થઈને પેવેલિયન પરત ફરે છે. શૂન્ય પર આઉટ થવું એ ગોલ્ડન ડક કહેવાય છે. ભારતના એવા ટોચના પાંચ બેટ્સમેન વિશે જણાવી રહ્યા છીએ જેઓ ODI ક્રિકેટમાં સૌથી વધુ ડક્સ પર આઉટ થયા છે. આ યાદીમાં નંબર વનથી સાતમા નંબરના બેટ્સમેનોનો સમાવેશ કરવામાં આવ્યો છે.
સચિન તેંડુલકર:
સચિન તેંડુલકર ભારતના ભૂતપૂર્વ મહાન બેટ્સમેન છે અને તે આ યાદીમાં પ્રથમ આવે છે. સચિન તેંડુલકરે તેની ક્રિકેટ કારકિર્દીમાં 463 ODI મેચ રમી હતી, જેમાં તે 20 વખત શૂન્ય પર આઉટ થયો હતો.
યુવરાજ સિંહ:
યુવરાજ સિંહ ભૂતપૂર્વ ભારતીય ઓલરાઉન્ડર ખેલાડી છે. યુવરાજ સિંહે પોતાની ક્રિકેટ કારકિર્દીમાં 304 ODI મેચ રમી હતી. આ દરમિયાન તે 18 વખત શૂન્ય પર આઉટ થઈને પેવેલિયન પરત ફર્યો હતો.
સૌરવ ગાંગુલી:
આ યાદીમાં ત્રીજા નંબર પર સૌરવ ગાંગુલી છે, જેમણે પોતાના ક્રિકેટ કરિયરમાં 311 ODI મેચ રમી હતી અને આ દરમિયાન તે 16 વખત શૂન્ય પર આઉટ થયો હતો.
વિરેન્દ્ર સેહવાગ, સુરેશ રૈના અને વિરાટ કોહલી:
આ ત્રણેય ક્રિકેટરો આ યાદીમાં સંયુક્ત રીતે ચોથા સ્થાને છે. આ ત્રણેય ક્રિકેટરો વનડેમાં 14-14 વખત શૂન્ય પર આઉટ થયા છે.