હાર્દિક પંડ્યાની પત્ની નતાશાએ આ વર્ષે એક પુત્રને જન્મ આપ્યો છે…
ભારતીય બેટ્સમેન હાર્દિક પંડ્યા ઓસ્ટ્રેલિયાથી ભારત પરત આવ્યો છે. તે લાંબા સમયથી ઘર અને પરિવારથી દૂર હતો. પરંતુ ઓસ્ટ્રેલિયાથી પાછા આવ્યા પછી હાર્દિક તેના પરિવાર સાથે વધુને વધુ સમય પસાર કરવાનો પ્રયાસ કરી રહ્યો છે. બુધવારે હાર્દિક તેની પત્ની નતાશા સ્ટેનકોવિચ સાથે ડિનર પર ગયો હતો. જે બાદ નતાશાએ તેના ફોટા ઇન્સ્ટાગ્રામ પર શેર કર્યા હતા. હાર્દિક ઓસ્ટ્રેલિયા સામે ચાલી રહેલી ટેસ્ટ સિરીઝમાં ટીમનો ભાગ નથી.
હાર્દિક પંડ્યા બુધવારે નતાશા સ્ટેનકોવિચ સાથે લાંબા સમય પછી બહાર ગયો હતો અને સાથે જમ્યો હતો. આ દરમિયાન તે બંને એકદમ ખુશ દેખાયા હતા. હાર્દિક પંડ્યાએ ઓસ્ટ્રેલિયાથી પરત ફર્યા બાદ પુત્ર અગસ્ત્ય સાથેની તસવીરો પણ શેર કરી હતી.