2005 માં દક્ષિણ આફ્રિકા આવવાનું શ્રેય તેની પત્ની સુમૈયા દિલદારને આપ્યો હતો.. 
સ્પિન બોલર ઇમરાન તાહિરે છેલ્લા 10 વર્ષમાં ઘણી ક્રિકેટ મેચોમાં દક્ષિણ આફ્રિકાને જીત અપાવી છે. જો કે ઇમરાન તાહિરે પાકિસ્તાનથી તેની ક્રિકેટ કારકિર્દીની શરૂઆત કરી હતી. ઇમરાન તાહિરે કહ્યું છે કે, પાકિસ્તાનના જુદા જુદા વય જૂથમાં રમ્યા પછી પણ રાષ્ટ્રીય ટીમમાં સ્થાન ન મળવું તેના માટે નિરાશાજનક છે.
તાહિર પાકિસ્તાનના લાહોરમાં મોટો થયો હતો અને 2005 સુધી તે જ શહેરમાં રહ્યો હતો. તે પાકિસ્તાન અંડર -19 ટીમ તરફથી પણ રમ્યો હતો અને પાકિસ્તાન-એનું પ્રતિનિધિત્વ પણ કર્યુ હતું, પરંતુ સિનિયર ટીમ માટે રમી શક્યો ન હતો. તેમણે 2005 માં દક્ષિણ આફ્રિકા આવવાનું શ્રેય તેની પત્ની સુમૈયા દિલદારને આપ્યો હતો. ચાર વર્ષ દેશમાં રહેવાના કાયદાનું પાલન કર્યા પછી, તાહિર દક્ષિણ આફ્રિકા તરફથી રમવા માટે પાત્ર બન્યો હતો.
તાહિરે વનડે ક્રિકેટને અલવિદા કહ્યું છે:
તાહિરે કહ્યું, “હું લાહોરમાં ક્રિકેટ રમતો હતો અને આજે હું છું ત્યાં તેનો ઘણો મોટો હાથ છે. મેં પાકિસ્તાનમાં મારી કારકિર્દીમાં ઘણું ક્રિકેટ રમ્યું હતું, પરંતુ મને અહીં રાષ્ટ્રીય ટીમમાં રમવાનો મોકો મળ્યો નહીં. હું ખૂબ નિરાશ છું. પાકિસ્તાન છોડવા માટે તે નક્કી કરવું ખૂબ જ મુશ્કેલ હતું, પરંતુ અલ્લાહે મારી તરફેણ કરી અને દક્ષિણ આફ્રિકા આવવાનું શ્રેય મારી પત્નીને જાય છે. ”
તાહિરે દક્ષિણ આફ્રિકા માટે 107 વનડે, 38 ટી 20 અને 20 ટેસ્ટ મેચ રમી છે અને અનુક્રમે 173, 63 અને 57 વિકેટ લીધી છે. ગયા વર્ષે આઈસીસી વર્લ્ડ કપ બાદ, તેણે તેની વનડે કારકિર્દીમાંથી નિવૃત્તિ લીધી હતી.