‘બેબી એબી’ના નામથી પ્રખ્યાત ડેવાલ્ડ બ્રેવિસે વિશ્વને યાદ અપાવ્યું છે કે શા માટે તેઓ અત્યારે વિશ્વના શ્રેષ્ઠ યુવાનોમાંના એક ગણાય છે.
CSA T20 ચેલેન્જમાં ટાઇટન્સ અને નાઈટ્સ વચ્ચેની મેચમાં મુંબઈ ઈન્ડિયન્સના સ્ટાર બેટ્સમેને તોફાની ઈનિંગ્સ રમી હતી. પોચેફસ્ટ્રુમના સેનવેસ પાર્કમાં રમાયેલી મેચમાં બ્રેવિસે માત્ર 57 બોલમાં 162 રન બનાવ્યા હતા. આ શાનદાર ઇનિંગ્સ દરમિયાન બ્રેવિસે ઘણા રેકોર્ડ તોડ્યા હતા.
T20 ક્રિકેટના ઈતિહાસમાં સૌથી ઝડપી 150 રન બનાવવાનો રેકોર્ડ ડેવાલ્ડ બ્રેવિસના નામે છે. તેણે માત્ર 52 બોલમાં 150 રનનો આંકડો પાર કરી લીધો હતો. આ પહેલા બેટ્સમેને 35 બોલમાં પોતાની પ્રથમ સદી પૂરી કરી હતી. બ્રેવિસે પોતાની ઇનિંગ દરમિયાન 13 ફોર અને 13 સિક્સર ફટકારી હતી. ડીવાલ્ડ બ્રેવિસે T20 ક્રિકેટમાં ત્રીજો સૌથી વધુ વ્યક્તિગત સ્કોર બનાવ્યો. તેણે આ મામલે ઝિમ્બાબ્વેના પૂર્વ કેપ્ટન હેમિલ્ટન મસાકાડઝા અને અફઘાનિસ્તાનના ઓપનર હઝરતુલ્લા ઝાઝાઈની બરાબરી કરી છે.
ડીવાલ્ડ બ્રેવિસે T20 ક્રિકેટમાં સંયુક્ત ત્રીજો સૌથી વધુ વ્યક્તિગત સ્કોર બનાવ્યો. T20 ક્રિકેટમાં સર્વશ્રેષ્ઠ વ્યક્તિગત સ્કોરનો રેકોર્ડ યુનિવર્સ બોસ ક્રિસ ગેલના નામે છે, જેણે 2013માં 175* રન બનાવ્યા હતા. ઓસ્ટ્રેલિયાનો કેપ્ટન એરોન ફિન્ચ આ યાદીમાં બીજા ક્રમે છે, જેણે 2018માં 172 રન બનાવ્યા હતા.
T20 ક્રિકેટમાં શ્રેષ્ઠ વ્યક્તિગત સ્કોર
175* (66)- ક્રિસ ગેલ, 2013
172 (76) – એરોન ફિન્ચ, 2018
162* (71) – હેમિલ્ટન મસાકાડઝા, 2016
162* (62) – હઝરતુલ્લા જઝાઈ, 2019
162 (57) – ડીવાલ્ડ બ્રેવિસ, 2022
ડેવાલ્ડ બ્રેવિસની આકર્ષક ઇનિંગ્સે દક્ષિણ આફ્રિકાના મહાન બેટિંગ એબી ડી વિલિયર્સનું પણ ધ્યાન ખેંચ્યું હતું. ડી વિલિયર્સે ટ્વિટ કરીને મુંબઈ ઈન્ડિયન્સના સ્ટાર બેટ્સમેનની પ્રશંસા કરી હતી.
Dewald Brevis. No need to say more
— AB de Villiers (@ABdeVilliers17) October 31, 2022