જીત બાદ મોહમ્મદ રિઝવાન કહ્યું, આ રમત ફાઇનલ જેટલી કિંમતી હતી

એશિયા કપ 2022ના સુપર 4માં ભારત સામે પાકિસ્તાનની જીતમાં ઓપનર મોહમ્મદ રિઝવાનનો મોટો ફાળો હતો. રિઝવાને 71 રન બનાવીને પાકિસ્તાનની જીતનો પાયો નાખ્યો હતો.

મેચ બાદ રિઝવાને કહ્યું- આખી દુનિયા આ મેચ જોઈ રહી છે. આ રમત ફાઈનલ જેટલી કિંમતી છે. અહીં દરેક ખેલાડી પોતાનું 100 ટકા આપવાનો પ્રયાસ કરે છે. અમારી યોજના હંમેશની જેમ નવા બોલ સામે લાંબી બેટિંગ કરવાની હતી. મેં અંત સુધી રહેવાનો પ્રયત્ન કર્યો. અમે અમારી તાકાત જાણીએ છીએ, અમારી બેટિંગમાં ઊંડાણ છે, અમારી પાસે પાવર-હિટર છે જે છેલ્લી 4 ઓવરમાં લગભગ 45 રન બનાવવામાં સક્ષમ છે. તેથી અમે ગભરાયા નહીં.

એશિયા કપ 2022માં સૌથી વધુ રન:
192 મોહમ્મદ રિઝવાન
154 વિરાટ કોહલી
135 રહેમાનુલ્લા ગુરબાઝ
99 સૂર્યકુમાર યાદવ
98 કુસલ મેન્ડિસ

જો રિઝવાનની વાત કરીએ તો તેણે 58 T20 ઈન્ટરનેશનલ મેચમાં 1783 રન બનાવ્યા છે. તેની એવરેજ 52 અને સ્ટ્રાઈક રેટ 128 છે. તેણે એક સદી અને 14 અડધી સદી પણ ફટકારી છે. એશિયા કપ 2022માં તેણે ભારત સામેની પ્રથમ મેચમાં 43 રન, હોંગકોંગ સામે અણનમ 78 અને હવે ભારત સામેની સુપર 4 મેચમાં 71 રન બનાવ્યા હતા.

મેચની વાત કરીએ તો એશિયા કપ 2022ની સુપર-4 મેચમાં પાકિસ્તાનની ટીમે ભારતીય ટીમને 5 વિકેટે હરાવ્યું હતું. ભારતે પહેલા રમતા 181 રન બનાવ્યા હતા, જેના જવાબમાં પાકિસ્તાને મોહમ્મદ રિઝવાનના 71 રન અને પૂંછડીના બેટ્સમેનોના વધુ સારા સમર્થનને કારણે લક્ષ્ય હાંસલ કર્યું હતું.