ક્રિકેટ ઓસ્ટ્રેલિયા (CA) એ અફઘાનિસ્તાનમાં મહિલાઓ અને છોકરીઓના માનવ અધિકારમાં ઘટાડાનું કારણ આપીને આ વર્ષે ઓગસ્ટમાં અફઘાનિસ્તાન સામેની પુરૂષોની T20 શ્રેણી સ્થગિત કરી દીધી છે.
અફઘાનિસ્તાન ત્રણ મેચોની શ્રેણીની યજમાની કરવાની હતી, જેમાંથી મેચ UAEમાં રમાય તેવી અપેક્ષા હતી.
CAએ અગાઉ અફઘાનિસ્તાન સામેની એકમાત્ર ટેસ્ટ મેચ રદ કરી દીધી હતી, જે નવેમ્બર 2021માં હોબાર્ટમાં રમાવાની હતી. તેણે બાદમાં અફઘાનિસ્તાનમાં મહિલાઓ અને છોકરીઓ માટેના માનવાધિકારમાં બગાડને પગલે ODI શ્રેણી માર્ચ 2023 સુધી મુલતવી રાખી હતી, અને ઉમેર્યું હતું કે અમે દેશમાં મહિલાઓ અને છોકરીઓની સ્થિતિને વધુ સારી બનાવવાની આશામાં અફઘાનિસ્તાન ક્રિકેટ બોર્ડ સાથે જોડાણ કરવાનું ચાલુ રાખીશું.
CA એ એક નિવેદનમાં કહ્યું કે, છેલ્લા 12 મહિનામાં અફઘાનિસ્તાનની સ્થિતિ પર ઓસ્ટ્રેલિયન સરકાર સાથે વાત કરવાનું ચાલુ રાખ્યું છે. સરકાર સલાહ આપે છે કે અફઘાનિસ્તાનમાં મહિલાઓ અને છોકરીઓની સ્થિતિ વણસી રહી છે, તેથી અમે અમારી અગાઉની સ્થિતિ જાળવી રાખી છે અને અફઘાનિસ્તાન સામેની દ્વિપક્ષીય શ્રેણી સ્થગિત કરવાનો નિર્ણય લીધો છે.
ક્રિકેટ ઓસ્ટ્રેલિયાએ કહ્યું કે, CA વિશ્વભરમાં ક્રિકેટમાં મહિલાઓ અને છોકરીઓની ભાગીદારીને સમર્થન આપવા માટે તેની મજબૂત પ્રતિબદ્ધતા ચાલુ રાખે છે. ઇન્ટરનેશનલ ક્રિકેટ કાઉન્સિલ સક્રિયપણે સામેલ થવાનું ચાલુ રાખશે અને ભવિષ્યમાં અફઘાનિસ્તાન ક્રિકેટ બોર્ડ સાથે મળીને કામ કરશે તે નક્કી કરવા માટે કે દ્વિપક્ષીય મેચો ફરી શરૂ કરવા માટે શું પગલાં લઈ શકાય.
An update to our Aussie men's team schedule ⬇️
CA will continue its commitment to the participation of women and girls cricket around the world and will work closely with the ICC and the Afghanistan Cricket Board to resume bilateral matches in the future. pic.twitter.com/OIO5PLjle5
— Cricket Australia (@CricketAus) March 19, 2024