એશિયા કપ રદ થતાંજ પીસીબીના વડાએ નિવેદન આપતા કહ્યું..

કોવિડ -19 રોગચાળાને કારણે ઓક્ટોબર-નવેમ્બરમાં ઓસ્ટ્રેલિયામાં ટી -20 વર્લ્ડ કપ પણ અશક્ય જણાય છે….
બીસીસીઆઈના પ્રમુખ સૌરવ ગાંગુલીએ બુધવારે સપ્ટેમ્બરમાં યોજાનારી એશિયા કપ 2020 રદ કરવાની જાહેરાત કરી હતી. આ વખતે પાકિસ્તાન એશિયા કપનું આયોજન કર્યું હતું. પરંતુ કોરોના વાયરસ રોગચાળાને લઈને સર્જાયેલા સંજોગોને ધ્યાનમાં રાખીને હવે આ ટૂર્નામેન્ટ રદ કરવામાં આવી છે. ગાંગુલીએ એક ઇન્સ્ટાગ્રામ લાઇવ સેશનમાં એક ખાનગી ન્યૂઝ ચેનલ સાથેની વાતચીત દરમિયાન કહ્યું હતું કે એશિયા કપ રદ કરવામાં આવી છે, જે સપ્ટેમ્બરમાં યોજાવાનો હતો.

પીસીબીએ પણ આ વાતની પુષ્ટિ કરી છે અને કહ્યું છે કે તેઓ 2022 માં ટૂર્નામેન્ટની યજમાની માટે સંમત થયા છે અને આ વર્ષનો તબક્કો રદ થયા બાદ હવે શ્રીલંકા આગામી વર્ષે તેનું આયોજન કરશે. એહશાસ મનીએ કહ્યું કે સુરક્ષાની સ્થિતિને ધ્યાનમાં રાખીને આ નિર્ણય લેવામાં આવ્યો છે. અમે પહેલા તેનું યજમાન કરવા જઇ રહ્યા હતા. પરંતુ જ્યારે મેં યુએઈ, પાકિસ્તાન અને અન્ય દક્ષિણ એશિયાના દેશોમાં કોવિડની પરિસ્થિતિ જોઇ ત્યારે શ્રીલંકામાં આ ટૂર્નામેન્ટ યોજવાની સંભાવના હતી.

એહસાને કહ્યું- તેથી શ્રીલંકા ક્રિકેટ અને પીસીબીએ તેની ચર્ચા કરી અને અમે એસીસી સમક્ષ ફેરફાર કરવાની દરખાસ્ત કરી, જેને મંજૂરી મળી. આમાં કોઈ રાજકારણ નથી. આ બધું ક્રિકેટને સુરક્ષિત રાખવા માટે કરવામાં આવ્યું છે. કોવિડ -19 રોગચાળાને કારણે ઓક્ટોબર-નવેમ્બરમાં ઓસ્ટ્રેલિયામાં ટી -20 વર્લ્ડ કપ પણ અશક્ય જણાય છે. એશિયા કપ રદ થતાં, બીસીસીઆઈને આ વિંડોમાં સંપૂર્ણ આઈપીએલ યોજવાનો સમય મળી શકે છે.