વેસ્ટ ઈન્ડિઝ ક્રિકેટ ટીમના ઝડપી બોલર ઓબેડ મેકકોયે ભારત સામેની બીજી T20 ઈન્ટરનેશનલ મેચમાં ચાર ઓવરમાં માત્ર 17 રન આપીને કુલ છ વિકેટ લીધી હતી. મેકકોય T20 ઈન્ટરનેશનલ મેચમાં ભારત સામે છ વિકેટ લેનારો વિશ્વનો પ્રથમ બોલર બની ગયો છે.
મેકકોયે કેપ્ટન રોહિત શર્મા, સૂર્યકુમાર યાદવ, રવિન્દ્ર જાડેજા, દિનેશ કાર્તિક, આર અશ્વિન અને ભુવનેશ્વર કુમારને પેવેલિયનનો રસ્તો બતાવ્યો હતો. મેચના પહેલા જ બોલ પર મેકકોયએ રોહિતને આઉટ કર્યો અને એવું લાગી રહ્યું હતું કે ટીમ ઈન્ડિયા આ ફટકામાંથી ફરીથી બહાર નહીં આવી શકે.
અગાઉ, ભારત સામે T20 ઇન્ટરનેશનલમાં સર્વશ્રેષ્ઠ બોલિંગ આંકડો શ્રીલંકાના વનિન્દુ હસરંગાનો હતો, જેણે 2021માં કોલંબોમાં 4/9 લીધી હતી. અગાઉ, વિશ્વના કોઈ બોલરે ભારત સામેની T20 આંતરરાષ્ટ્રીય મેચોમાં પાંચ કે તેથી વધુ વિકેટ લીધી ન હતી. ટીમ ઈન્ડિયાના બેટ્સમેન પાસે મેકકોયના બોલનો કોઈ જવાબ નહોતો અને આ જ કારણ હતું કે ટીમ ઈન્ડિયા આખી 20 ઓવર પણ રમી શકી ન હતી.
ભારતીય ટીમ 19.4 ઓવરમાં માત્ર 138 રનમાં સમેટાઈ ગઈ હતી. જવાબમાં વેસ્ટ ઈન્ડિઝે 19.2 ઓવરમાં પાંચ વિકેટે 141 રન બનાવીને મેચ જીતી લીધી હતી. મેકકોયને તેના શાનદાર પ્રદર્શન માટે મેન ઓફ ધ મેચ જાહેર કરવામાં આવ્યો હતો. ટી20 ઇન્ટરનેશનલમાં મેકકોય માટે આ પ્રથમ વખત હતો, જ્યારે તેણે પાંચથી વધુ વિકેટ લીધી હોય.
Best Bowling figures vs India in T20I history:
6/17- Obed McCoy (2022)
4/9- Wanindu Hasaranga (2021)
4/11- Mitchell Santner (2016)
4/16- Daren Sammy (2011) pic.twitter.com/2fGuTIJkdY— Random Cricket Stats (@randomcricstat) August 1, 2022