ભારતીય ક્રિકેટ ટીમને આયર્લેન્ડ અને ઇંગ્લેન્ડ સામેની આગામી ટી-20 શ્રેણી પહેલા મોટો ઝટકો લાગ્યો છે. સ્ટાર ઓલરાઉન્ડર નિતીશ કુમાર રેડ્ડી ઈજાગ્રસ્ત થતાં ટીમમાંથી બહાર થઈ ગયા છે. તેની જગ્યાએ મુંબઈના યુવા ઓલરાઉન્ડર સૂર્યંશ શેડગેને પ્રથમ વખત ભારતીય ટીમમાં સ્થાન મળ્યું છે. BCCIના આ નિર્ણય બાદ ક્રિકેટ ચાહકોમાં સૂર્યંશ વિશે જાણવાની ઉત્સુકતા વધી છે.
23 વર્ષીય સૂર્યંશ શેડગે જમણા હાથના બેટર અને મધ્યમ ગતિના બોલર છે. તેઓ ઘરેલુ ક્રિકેટમાં મુંબઈનું પ્રતિનિધિત્વ કરે છે અને પોતાની આક્રમક બેટિંગ માટે જાણીતા છે.
સૂર્યંશ વિશેની સૌથી રસપ્રદ વાત એ છે કે તેઓ પહેલા IPLમાં Lucknow Super Giants સાથે જોડાયેલા હતા, પરંતુ બાદમાં Punjab Kingsનો ભાગ બન્યા અને ત્યાંથી તેને વધુ ઓળખ મળી.
2024-25ની Syed Mushtaq Ali Trophyમાં તેમણે શાનદાર પ્રદર્શન કર્યું હતું. ફિનિશરની ભૂમિકામાં રમતા તેણે માત્ર 9 મેચમાં લગભગ 252ના અદભૂત સ્ટ્રાઈક રેટથી 131 રન બનાવ્યા હતા, જેના કારણે તેઓ ચર્ચામાં આવ્યા.
તેણે મુંબઈ માટેના પોતાના ટી-20 ડેબ્યૂમાં બોલિંગથી પણ અસર પેદા કરી હતી અને ઓલરાઉન્ડ ક્ષમતાનો પરિચય આપ્યો હતો. ઉપરાંત તાજેતરમાં શ્રીલંકામાં યોજાયેલી ઇન્ડિયા-એ ત્રિરાષ્ટ્રીય શ્રેણીમાં પણ તેણે બેટથી પ્રભાવશાળી પ્રદર્શન કરીને પસંદગીકારોનું ધ્યાન ખેંચ્યું હતું.
નિતીશ રેડ્ડીની ગેરહાજરીમાં સૂર્યંશ શેડગે માટે આ મોટી તક સાબિત થઈ શકે છે. આયર્લેન્ડ અને ઇંગ્લેન્ડ પ્રવાસ દરમિયાન તેને આંતરરાષ્ટ્રીય ક્રિકેટમાં ડેબ્યૂ કરવાની તક મળે તેવી પૂરી શક્યતા છે. જો તેઓ આ તકનો લાભ ઉઠાવશે તો ભારતીય ક્રિકેટમાં એક નવા ઓલરાઉન્ડરનો ઉદય જોવા મળી શકે છે.
🚨 News 🚨
Suryansh Shedge replaces injured Nitish Kumar Reddy in #TeamIndia‘s squads for Ireland and England series.
More Details 🔽 | #IREvIND | #ENGvIND https://t.co/M92NI1TbE0
— BCCI (@BCCI) June 23, 2026