ઓસ્ટ્રેલિયાના કોચ એન્ડ્રુ મેકડોનાલ્ડ કાઉન્ટી ક્રિકેટમાં માઈકલ નેસરના પ્રભાવશાળી ફોર્મથી પ્રભાવિત થયા છે અને કહ્યું છે કે કોઈપણ ખેલાડીને ઈજા થવા પર ઓલરાઉન્ડરને વર્લ્ડ ટેસ્ટ ચેમ્પિયનશિપ (WTC) ફાઈનલ અને એશિઝ શ્રેણી માટેની ટીમમાં સામેલ કરવામાં આવી શકે છે.
નેસરે કાઉન્ટી ક્રિકેટમાં ગ્લેમોર્ગન તરફથી રમતા અત્યાર સુધીમાં ત્રણ ઇનિંગ્સમાં 123, 86 અને 90 રન બનાવ્યા છે. તેને આવતા મહિને ડબલ્યુટીસી ફાઈનલ અને એશિઝની પ્રથમ બે ટેસ્ટ માટે ઓસ્ટ્રેલિયાની 17 સભ્યોની ટીમમાં લેવામાં આવ્યો નથી પરંતુ કોચ મેકડોનાલ્ડે કહ્યું કે તેને તક મળી શકે છે. ભારત અને ઓસ્ટ્રેલિયા વચ્ચે WTC ફાઇનલ 7 જૂનથી ઓવલ ખાતે રમાશે જ્યારે પાંચ ટેસ્ટ મેચની એશિઝ સિરીઝ 16 જૂનથી શરૂ થશે.”
નેસર અને સીન એબોટ વર્લ્ડ ટેસ્ટ ચેમ્પિયનશિપની તૈયારીઓ માટે લંડનમાં ટીમ સાથે જોડાશે.એબોટ હાલમાં સરે માટે કાઉન્ટી ક્રિકેટ પણ રમી રહ્યો છે અને જરૂર પડ્યે ઓસ્ટ્રેલિયન ટીમમાં જોડાવા માટે ઉપલબ્ધ છે.
મેકડોનાલ્ડે કહ્યું, “મારું માનવું છે કે પસંદગી સમિતિના અધ્યક્ષ જ્યોર્જ બેઇલીએ સ્પષ્ટ કર્યું છે કે સંજોગોને જોતા અન્ય ખેલાડીઓને પણ તક મળી શકે છે અને જો જોશ હેઝલવુડ વર્લ્ડ ટેસ્ટ ચેમ્પિયનશિપ ફાઈનલ માટે ફિટ ન હોય તો. માઈકલ નેસર અને સીન એબોટનો સમાવેશ કરવાનો વિકલ્પ છે.”