ઇંગ્લેન્ડમાં રમાઈ રહેલી કાઉન્ટી ક્રિકેટ ચેમ્પિયનશિપ દરમિયાન સમરસેટ અને ગ્લેમોર્ગન વચ્ચેની મેચમાં એક રમૂજી ઘટના જોવા મળી, જેને કારણે મેદાન પર હાજર ખેલાડીઓ તેમજ દર્શકો હસતા રહી ગયા. કાર્ડિફના સોફિયા ગાર્ડન્સ ખાતે રમાયેલા આ મુકાબલામાં સમરસેટના ઝડપી બોલર Craig Overton અંપાયરના હાવભાવને ખોટી રીતે સમજી બેઠા અને સમય પહેલાં જ વિકેટનો જશ્ન મનાવવા લાગી ગયા.
ઘટના ત્યારે બની જ્યારે ઓવર્ટન ગ્લેમોર્ગનના બેટ્સમેન રાયન હેડલી સામે ઘાતક સ્પેલ ફેંકી રહ્યા હતા. તેની એક તેજ ઇન-સ્વિંગ બોલ સીધી બેટ્સમેનના પેડ પર વાગી, ત્યારબાદ ઓવર્ટને જોરદાર LBW અપીલ કરી. તેને એટલો વિશ્વાસ હતો કે બેટ્સમેન આઉટ છે કે અંપાયરનો નિર્ણય આવ્યા પહેલાં જ તે દહાડા મારતા ઉજવણી કરવા દોડી પડ્યા.
તે દરમિયાન અંપાયરનો હાથ ઉપર જતો દેખાતા ઓવર્ટને સમજી લીધું કે આઉટ આપવામાં આવ્યું છે. પરંતુ હકીકતમાં અંપાયર માત્ર પોતાની નાક ખંજવાળી રહ્યા હતા અને હેટ ઠીક કરી રહ્યા હતા. થોડા જ પળોમાં અંપાયરે “નોટ આઉટ”નો ઈશારો આપતા ઓવર્ટનને પોતાની ભૂલનો અહેસાસ થયો. આ દ્રશ્ય જોઈ મેદાન પર હાજર ખેલાડીઓ પણ હસતા રહી ગયા અને સોશિયલ મીડિયા પર પણ આ ઘટનાનો વીડિયો ઝડપથી વાયરલ થયો.
મેચની વાત કરીએ તો સમરસેટે પ્રથમ ઇનિંગમાં 354 રન બનાવ્યા હતા, જ્યારે ગ્લેમોર્ગનની ટીમ 229 રનમાં ઓલઆઉટ થઈ હતી. બીજી ઇનિંગમાં સમરસેટ માત્ર 157 રનમાં સીમિત રહી, જેના કારણે ગ્લેમોર્ગનને 283 રનનું લક્ષ્ય મળ્યું. સીન ડિક્સનના 76 અને રાયન હેડલીની અણનમ 50 રનની ઇનિંગ્સની મદદથી ગ્લેમોર્ગને 8 વિકેટે શાનદાર જીત નોંધાવી.
Umpire Paul Pollard has done Craig Overton dirty there!
Brought his arm up to doff his hat, all the @SomersetCCC lads thought he’d raised the finger!
Probably wasn’t out, right decision, but some bluff from the umpire!!
Hadley did well to stand there shocked!#GlamvSom pic.twitter.com/uG76Pzohgx
— Harry Everett (@HarryEverett_14) May 11, 2026