બાંગ્લાદેશના દિગ્ગજ વિકેટકીપર-બેટ્સમેન Mushfiqur Rahimએ ટેસ્ટ ક્રિકેટમાં એક ઐતિહાસિક સિદ્ધિ પોતાના નામે નોંધાવી છે. પાકિસ્તાન સામે સિલહટમાં રમાઈ રહેલા બીજા ટેસ્ટ મેચ દરમિયાન રહીમે પોતાની ટેસ્ટ કારકિર્દીની 14મી સદી ફટકારી હતી. આ શતક સાથે તે બાંગ્લાદેશ માટે ટેસ્ટ ક્રિકેટમાં સૌથી વધુ શતક ફટકારનાર બેટ્સમેન બની ગયા છે.
મુશફિકુર રહીમે આ મામલે Mominul Haqueનો રેકોર્ડ તોડી નાખ્યો છે. મોમિનુલ હકના નામે ટેસ્ટ ક્રિકેટમાં 13 શતક નોંધાયેલા હતા, જ્યારે હવે રહીમ 14 સદી સાથે ટોચ પર પહોંચી ગયા છે. ક્રિકેટ જગતમાં આ સિદ્ધિની તુલના Sachin Tendulkar સાથે કરવામાં આવી રહી છે, કારણ કે સચિન પણ ભારત અને વિશ્વ માટે ટેસ્ટ ક્રિકેટમાં સૌથી વધુ 51 શતક ફટકારનાર ખેલાડી છે.
39 વર્ષીય મુશફિકુર રહીમ લાંબા સમયથી બાંગ્લાદેશની બેટિંગનો સૌથી મજબૂત આધાર રહ્યા છે. તેણે અત્યાર સુધી 100થી વધુ ટેસ્ટ મેચોમાં 6700થી વધુ રન બનાવ્યા છે. માત્ર ટેસ્ટ જ નહીં પરંતુ વનડે ક્રિકેટમાં પણ તેનો દબદબો રહ્યો છે, જ્યાં તે 7795થી વધુ રન સાથે બાંગ્લાદેશ માટે સૌથી વધુ રન બનાવનાર ખેલાડીઓમાં સામેલ છે. ઉપરાંત રહીમ 100થી વધુ ટી20 આંતરરાષ્ટ્રીય મેચોમાં પણ દેશનું પ્રતિનિધિત્વ કરી ચૂક્યા છે.
આ સમગ્ર સિરીઝ દરમિયાન રહીમ શાનદાર ફોર્મમાં જોવા મળ્યા છે. મીરપુરમાં રમાયેલા પ્રથમ ટેસ્ટમાં પણ તેણે મહત્વપૂર્ણ 71 રનની ઇનિંગ્સ રમી હતી, જેના કારણે બાંગ્લાદેશે પાકિસ્તાન સામે ઐતિહાસિક જીત મેળવી હતી. હાલ બાંગ્લાદેશ બે મેચોની ટેસ્ટ સિરીઝમાં 1-0થી આગળ છે અને સિલહટ ટેસ્ટમાં પણ તેની સ્થિતિ મજબૂત દેખાઈ રહી છે.
Built on class and consistency 💪Mushfiqur Rahim among the finest in Tests. Celebrates in style pic.twitter.com/DN6067jYjc
— Bangladesh Cricket (@BCBtigers) May 18, 2026