MI માં મેગા ક્લીનઅપની તૈયારી! નીતા અંબાણી લઈ શકે મોટો નિર્ણય, સૂર્યા-હાર્દિક સહિત 7 ખેલાડીઓ પર મોટો ખતરો
ઈન્ડિયન પ્રીમિયર લીગ 2026માં એમઆઈ નું પ્રદર્શન અત્યાર સુધી ખૂબ નિરાશાજનક રહ્યું છે. સ્ટાર ખેલાડીઓથી સજ્જ ટીમે શરૂઆતમાં કેકેઆર સામે જીત મેળવી હતી, પરંતુ ત્યારબાદ ટીમ લય જાળવી શકી નથી. અત્યાર સુધી રમાયેલા 8 મેચમાંથી માત્ર 2માં જીત અને 6માં હાર મળતા ટીમ પોઈન્ટ ટેબલમાં પાછળ છે.આ પરિસ્થિતિને ધ્યાનમાં રાખીને ટીમની માલિક Nita Ambani આગામી સીઝન પહેલા મોટો નિર્ણય લઈ શકે છે. અહેવાલો મુજબ, ટીમમાં મોટા ફેરફારો થવાની સંભાવના છે અને આશરે 7 ખેલાડીઓને રિલીઝ કરવામાં આવી શકે છે.
સૂર્યા-હાર્દિક સહિત મોટા નામો પર સંકટ
ટીમના સ્ટાર ખેલાડીઓ જેમ કે Hardik Pandya, Suryakumar Yadav અને Shardul Thakur પર સૌથી વધુ દબાણ છે. ખાસ કરીને હાર્દિક પંડ્યાની કેપ્ટન્સી હેઠળ ટીમનું પ્રદર્શન નબળું રહ્યું છે. તે બેટિંગ અને બોલિંગ બંનેમાં અપેક્ષાઓ પર ખરા ઉતરી શક્યા નથી, જેના કારણે તેમની કપ્તાની અને સ્થાન બંને જોખમમાં છે.સૂર્યકુમાર યાદવનો તાજેતરનો ફોર્મ પણ ચિંતાનો વિષય બન્યો છે, જ્યારે શાર્દુલ ઠાકુર પણ પોતાની અસર છોડી શક્યા નથી. આવી સ્થિતિમાં મેનેજમેન્ટ કડક નિર્ણય લઈ શકે છે.
અન્ય ખેલાડીઓ પર પણ ખતરો
માત્ર મોટા નામો જ નહીં, પરંતુ અન્ય ખેલાડીઓ પણ ટીમમાંથી બહાર થઈ શકે છે. Deepak Chahar એ આ સીઝનમાં 3 મેચમાં માત્ર 1 વિકેટ લીધી છે અને તેની ઇકોનોમી ખૂબ જ ઊંચી રહી છે. સાથે જ Trent Boult પણ અસરકારક સાબિત થયા નથી.યુવા ખેલાડીઓ Robin Minz અને Danish Malewar પણ અત્યાર સુધી પોતાની ક્ષમતા મુજબ પ્રદર્શન કરી શક્યા નથી, જેના કારણે તેના સ્થાન પર પણ પ્રશ્નચિહ્ન છે.
હવે આગળ શું?મુંબઈ ઈન્ડિયન્સ માટે આ સીઝન ભૂલી જવાની જેવી રહી છે. હવે ટીમ મેનેજમેન્ટ આગામી ઓક્શનને ધ્યાનમાં રાખીને નવી સ્ટ્રેટેજી બનાવી શકે છે, જેથી આગામી સીઝનમાં ટીમ ફરીથી ચેમ્પિયનશિપ માટે દાવેદાર બની શકે.