આઈપીએલની 16મી સિઝન શરૂ થવામાં હવે એક સપ્તાહથી પણ ઓછો સમય બાકી છે. તમામ ટીમોના મોટાભાગના ખેલાડીઓ આગામી સિઝન માટે ફ્રેન્ચાઇઝી સાથે જોડાયા છે. જો કે, ગત સિઝનની જેમ આ વખતે પણ ઘણા ખેલાડીઓ IPLમાં રમતા જોવા મળશે નહીં અથવા તો આખી સિઝન રમી શકશે નહીં, જે સિઝનની શરૂઆતમાં ફ્રેન્ચાઇઝી માટે સારા સમાચાર નથી.
રોયલ ચેલેન્જર્સ બેંગ્લોરની ટીમ પણ ઈજાની સમસ્યાથી ઝઝૂમી રહી છે. જોશ હેઝલવુડની રમત પર શંકા યથાવત છે કે ટીમ માટે વધુ એક ખરાબ સમાચાર સામે આવ્યા છે. ટીમનો મિડલ ઓર્ડર બેટ્સમેન રજત પાટીદાર પણ ઈજાગ્રસ્ત છે અને તે પહેલા હાફમાંથી બહાર થઈ શકે છે.
IPL 2022માં શાનદાર પ્રદર્શન કરનાર રજત પાટીદારને IPL 2023ના પહેલા હાફમાં રમવું મુશ્કેલ થઈ રહ્યું છે. હીલની ઈજાના કારણે તે આઈપીએલના બીજા હાફમાં રમવા માટે ઉપલબ્ધ થઈ શકે છે. પાટીદાર હાલમાં બેંગલુરુમાં એનસીએમાં પુનર્વસન હેઠળ છે.
ESPNcricinfo અનુસાર, રજત પાટીદારને આગામી ત્રણ અઠવાડિયા સુધી આરામ કરવાની સલાહ આપવામાં આવી છે. જે બાદ એમઆરઆઈ સ્કેન બાદ બીજા ભાગમાં તેની ઉપલબ્ધતા અંગે ચિત્ર સ્પષ્ટ થશે. કેમ્પમાં જોડાતા પહેલા પાટીદારની ઈજા થઈ હતી, તેથી તેણે રોયલ ચેલેન્જર્સ બેંગ્લોરમાં જોડાતા પહેલા એનસીએ પાસેથી ફિટનેસ ક્લિયરન્સ મેળવવું પડશે.
રોયલ ચેલેન્જર્સ બેંગ્લોરનો વિલ જેક્સ IPL 2023ની શરૂઆત પહેલા બહાર થઈ ગયો છે. જોશ હેઝલવુડ ઈજામાંથી સાજો થઈ રહ્યો છે. રજત પાટીદારને લઈને શંકા યથાવત છે. જ્યારે હસરંગા કેટલીક મેચ રમી શકશે નહીં