BCCI IPL 2024 પહેલા એક્શનમાં છે. આ પહેલા ભારત સરકારે ચાઈનીઝ બ્રાન્ડ્સ સામે કાર્યવાહી કરી હતી. હવે BCCI પણ ચાઈનીઝ બ્રાન્ડ સામે મોટી કાર્યવાહી કરવાની યોજના બનાવી રહ્યું છે.
તમને જણાવી દઈએ કે IPL માત્ર ચાહકોને જ રોમાંચિત કરતું નથી પરંતુ ઘણી બ્રાન્ડ્સને પ્રમોટ પણ કરે છે. IPL મેચ દરમિયાન મેદાન પર મોટા-મોટા પોસ્ટર લગાવીને અલગ-અલગ બ્રાન્ડનો પ્રચાર કરવામાં આવે છે, પરંતુ આ વખતે BCCI ચીનને મોટો ઝટકો આપી શકે છે. ચીની સૈનિકો સતત ભારતીય સરહદમાં ઘૂસણખોરીનો પ્રયાસ કરી રહ્યા છે, જેના કારણે BCCIએ મોટી કાર્યવાહી કરવાનો નિર્ણય લીધો છે.
BCCIએ આ મોટી ટૂર્નામેન્ટ પહેલા કહ્યું હતું કે જે બ્રાન્ડના ભારત સરકાર સાથે સારા સંબંધો નથી તેમને આગામી IPL સિઝનમાં BCCI દ્વારા સ્પોન્સર કરવામાં આવશે નહીં. એવું કહેવામાં આવી રહ્યું છે કે બીસીસીઆઈએ ચીની સૈનિકોની ઘૂસણખોરીના કારણે આ નિર્ણય લીધો છે. BCCI સ્પોન્સર નહીં કરે તેવી બ્રાન્ડ્સની યાદી હજુ જાહેર કરવામાં આવી નથી. જો કે હજુ સુધી એ વાતની પુષ્ટિ થઈ નથી કે BCCI આ પગલું ભરવા જઈ રહ્યું છે, પરંતુ એવી શક્યતા છે કે BCCI ચાઈનીઝ બ્રાન્ડ વિરુદ્ધ કાર્યવાહી કરી શકે છે.
IPL 2024માં કુલ 10 ટીમો ભાગ લેવા જઈ રહી છે. ક્રિકેટની સૌથી મોટી ટુર્નામેન્ટ પૈકીની એક IPL માર્ચ અથવા એપ્રિલ મહિનામાં શરૂ થશે.