મહેન્દ્ર સિંહ ધોનીએ ઇન્ડિયન પ્રીમિયર લીગની ફાઇનલમાં કોલકાતા નાઈટ રાઈડર્સ સામે શુક્રવારે અહીં ટોસ માટે બહાર નીકળ્યા બાદ ચેન્નઈ સુપર કિંગ્સ માટે ખાસ રેકોર્ડ ઉમેર્યો હતો. તે ક્રિકેટના સૌથી ટૂંકા ફોર્મેટ ટી -20માં 300 મેચમાં કેપ્ટનિંગ કરનાર વિશ્વનો પહેલો ખેલાડી બની ગયો છે. ધોનીએ 2006માં ટી-20 ડેબ્યુ કર્યું હતું અને 2007 થી ભારત અને આઈપીએલની કેપ્ટનશીપ કરી રહ્યો છે.
આઇપીએલ ફાઇનલ પહેલા તેણે જે 299 મેચોમાં કેપ્ટનશિપ કરી હતી, તેણે 176 જીતી અને 118 મેચ હારી. બે મેચ ટાઈમાં સમાપ્ત થઈ અને ત્રણ મેચો કોઈ પરિણામ વગર સમાપ્ત થઈ. ભારતે 2007માં ધોનીના નેતૃત્વમાં પ્રથમ ટી -20 વર્લ્ડકપનો ખિતાબ જીત્યો હતો. તેની કેપ્ટનશીપમાં ભારતે ટી -20 આંતરરાષ્ટ્રીયમાં કુલ 72 મેચ રમી હતી જેમાંથી 41 જીતી અને 28 હારી.
ધોનીએ 190 મેચમાં ચેન્નાઈ સુપર કિંગ્સ અને IPLમાં 14 મેચમાં રાઈઝિંગ પુણે સુપરજાયન્ટનું નેતૃત્વ કર્યું છે. તેના નેતૃત્વમાં ચેન્નઈએ ફાઇનલ પહેલા 115 મેચ જીતી અને 73 માં હારનો સામનો કરવો પડ્યો હતો.