કોલકાતા નાઈટ રાઈડર્સના ભૂતપૂર્વ કેપ્ટન ઈયોન મોર્ગને આઈપીએલ (આઈપીએલ 2024) પ્લેઓફ માટે તેમની મનપસંદ ચાર ટીમોની પસંદગી કરી છે. ઈયોન મોર્ગનનું માનવું છે કે આ વર્ષે કોલકાતા નાઈટ રાઈડર્સ, રાજસ્થાન રોયલ્સ, મુંબઈ ઈન્ડિયન્સ અને ચેન્નાઈ સુપર કિંગ્સ સીઝનની ટોપ-4 ટીમો બનવા જઈ રહી છે.
તમને જણાવી દઈએ કે પાંચ વખત ચેમ્પિયનનો ખિતાબ જીતી ચૂકેલી મુંબઈ ઈન્ડિયન્સની ટીમ આઈપીએલ 2024માં ઘણી મુશ્કેલીમાં જોવા મળી રહી છે. તે અત્યાર સુધી સિઝનમાં 4 મેચ રમી છે જેમાંથી તે માત્ર એક જ મેચ જીતી શકી છે. MI પોઈન્ટ ટેબલ પર 8મા સ્થાને છે, તેથી તેમના માટે અહીંથી પ્લેઓફ માટે ક્વોલિફાય થવું ઘણું મુશ્કેલ બનશે.
જો કે, તેમ છતાં, ઇયોન મોર્ગને આગાહી કરતા સ્પષ્ટ કર્યું છે કે મુંબઈ ઇન્ડિયન્સ ફરી એકવાર પ્લેઓફ માટે ક્વોલિફાય કરશે. ટુર્નામેન્ટમાં મુંબઈ ઈન્ડિયન્સની ખરાબ શરૂઆત છતાં ઈંગ્લેન્ડના ભૂતપૂર્વ કેપ્ટન મોર્ગનને વિશ્વાસ છે કે MI ટુર્નામેન્ટમાં પુનરાગમન કરશે અને ઘણી મેચો જીતીને પ્લેઓફમાં પહોંચશે.
ઈયોન મોર્ગન દ્વારા પસંદ કરાયેલી અન્ય ટીમો વિશે વાત કરીએ તો, સિઝનની 23 મેચો પૂર્ણ થઈ ગઈ છે, જે બાદ રાજસ્થાન રોયલ્સ ટીમ અજેય છે અને ચાર જીત સાથે પોઈન્ટ ટેબલ પર પ્રથમ સ્થાન પર છે. જ્યારે કેકેઆર 4 મેચમાં ત્રણ જીત સાથે બીજા સ્થાને છે. નોંધનીય છે કે ચેન્નાઈ સુપર કિંગ્સ ટીમ 3 જીત અને 2 હાર સાથે ચોથા સ્થાન પર છે. લખનૌ સુપર જાયન્ટ્સની ટીમ પોઈન્ટ ટેબલમાં ત્રીજા સ્થાને યથાવત છે. પોઈન્ટ ટેબલના તળિયે રોયલ ચેલેન્જર્સ બેંગ્લોર અને દિલ્હી કેપિટલ્સની ટીમો છે જે પાંચમાંથી ચાર મેચ હારી છે.
BREAKING NEWS ⚠
Eoin Morgan predicts his top 4 teams of the #TATAIPL 🔥#IPLonJioCinema pic.twitter.com/fihzCd5Rjc
— JioCinema (@JioCinema) April 9, 2024