IPL 2023 સિઝનની શરૂઆત ગુજરાત ટાઇટન્સ (GT) અને ચેન્નાઈ સુપર કિંગ્સ (CSK) વચ્ચેની મેચ સાથે થઈ છે. આ સિઝનમાં ચાહકો ફરી એકવાર તોફાની બેટિંગ, વિકેટકીપિંગ અને CSKના દિગ્ગજ મહેન્દ્ર સિંહ ધોનીની શાનદાર કેપ્ટનશિપનો આનંદ માણશે.
ધોની મેચમાં પોતાના બેટથી આગ દેખાડી ચૂક્યો છે. તે અંતમાં આવ્યો અને 200ના સ્ટ્રાઈક રેટથી બેટિંગ કરી. તેણે 7 બોલમાં એક ફોર અને એક સિક્સરની મદદથી 14 રન બનાવ્યા હતા. આ સાથે આ મેચમાં ત્રણ મોટી સિદ્ધિઓ પણ હાંસલ કરવામાં આવી હતી.
ધોનીએ ગુજરાત ટાઇટન્સ સામે સિક્સર ફટકારીને ખાસ સિદ્ધિ મેળવી છે. ધોની મેચમાં સિક્સર ફટકારતાની સાથે જ CSK માટે 200 સિક્સર પૂર્ણ કરનાર બેટ્સમેન બની ગયો છે. એક જ ટીમ તરફથી સૌથી વધુ છગ્ગાના મામલે ક્રિસ ગેલ ટોચ પર આવે છે, જેણે RCB તરફથી રમતા 239 સિક્સર ફટકારી છે. આ યાદીમાં બીજું નામ એબી ડી વિલિયર્સનું છે, તેણે RCB માટે 238 સિક્સર ફટકારી છે. મુંબઈ માટે 223 સિક્સર ફટકારીને આ યાદીમાં ત્રીજા ક્રમે કિરોન પોલાર્ડ આવે છે.
ધોની સૌથી વૃદ્ધ કેપ્ટન બન્યો:
IPL 2023 ની પ્રથમ મેચમાં CSKની કેપ્ટન્સી કરતા ધોની IPL ઈતિહાસનો સૌથી વૃદ્ધ ખેલાડી બની ગયો છે. ધોનીએ 41 વર્ષ અને 267 દિવસની ઉંમરમાં IPL 2023ની પ્રથમ મેચમાં પોતાની ટીમની કેપ્ટનશીપ કરી હતી. આ સાથે ધોનીએ રાજસ્થાન રોયલ્સના પૂર્વ કેપ્ટન શેન વોર્નનો રેકોર્ડ તોડી નાખ્યો. શેન વોર્ન છેલ્લે 2011માં IPLમાં કેપ્ટન તરીકે રમ્યો હતો. તે સમયે વોર્નની ઉંમર 41 વર્ષ અને 249 દિવસ હતી. હવે ધોનીએ સૌથી મોટી ઉંમરના કેપ્ટનનો રેકોર્ડ પોતાના નામે કરી લીધો છે. IPL ઈતિહાસમાં સૌથી મોટી ઉંમરના કેપ્ટન ધોનીનો રેકોર્ડ તોડવો લગભગ મુશ્કેલ લાગે છે.
20મી ઓવરમાં સૌથી વધુ રન બનાવનાર ખેલાડી બન્યો:
ધોની IPLની 20મી આવૃત્તિમાં સૌથી વધુ રન બનાવનાર બેટ્સમેન પણ બની ગયો છે. તેણે આખી IPLમાં 20મી ઓવર રમીને 667 રન બનાવ્યા છે. આ સાથે ધોની 20મી ઓવરમાં સૌથી વધુ સિક્સ ફટકારવાના મામલે પણ નંબર વન પર આવે છે, તેની પાસે 20 ઓવરમાં 53 સિક્સર છે.