મુંબઈ ઈન્ડિયન્સ (MI)ના વિસ્ફોટક બેટ્સમેન સૂર્યકુમાર યાદવે સોમવારે (6 મે) મુંબઈના વાનખેડે સ્ટેડિયમમાં સનરાઈઝર્સ હૈદરાબાદ (SRH) સામે તોફાની સદી ફટકારીને ઈતિહાસ રચ્યો હતો. લક્ષ્યનો પીછો કરવા આવેલી મુંબઈ માટે સૂર્યકુમારે 51 બોલમાં 12 ચોગ્ગા અને 6 છગ્ગાની મદદથી 102 રનની અણનમ ઈનિંગ રમી હતી. જેમાં તેણે માત્ર ચોગ્ગા અને છગ્ગાની મદદથી 84 રન બનાવ્યા હતા. આ વિજયી સદી દરમિયાન તેણે ઘણા રેકોર્ડ બનાવ્યા.
સૂર્યકુમારને તેની જીતની ઇનિંગ્સ માટે પ્લેયર ઓફ ધ મેચ જાહેર કરવામાં આવ્યો હતો. તે મુંબઈ માટે આઈપીએલમાં સૌથી વધુ પ્લેયર ઓફ ધ એવોર્ડ જીતવાના સંદર્ભમાં સંયુક્ત ચોથા સ્થાને પહોંચી ગયો છે. આઠમી વખત આ એવોર્ડ જીતીને તેણે સચિન તેંડુલકરની બરાબરી કરી લીધી છે. હવે આ યાદીમાં તેનાથી આગળ માત્ર રોહિત શર્મા (16), કિરોન પોલાર્ડ (14) અને જસપ્રિત બુમરાહ (10) છે.
મુંબઈ માટે આઈપીએલમાં સૌથી વધુ સદી ફટકારવાના મામલે સૂર્યકુમાર સંયુક્ત રીતે પ્રથમ ક્રમે છે. તેણે આ ફ્રેન્ચાઈઝી માટે પોતાની બીજી સદી ફટકારીને રોહિત શર્માની બરાબરી કરી.
ભારત માટે T-20માં સૌથી વધુ સદી ફટકારનાર ખેલાડીઓની યાદીમાં સૂર્યકુમાર સંયુક્ત રીતે ત્રીજા સ્થાને પહોંચી ગયો છે. આ ફોર્મેટમાં આ તેની છઠ્ઠી સદી છે, તેના સિવાય રૂતુરાજ ગાયકવાડ અને કેએલ રાહુલે પણ 6-6 ટી20 સદી ફટકારી છે. વિરાટ કોહલી (9) પહેલા અને રોહિત શર્મા (8) બીજા ક્રમે છે.
સૂર્યકુમાર T-20માં 4 કે તેનાથી નીચેના નંબર પર બેટિંગ કરતી વખતે 4 કે તેથી વધુ સદી ફટકારનાર એકમાત્ર ભારતીય છે. તેમના સિવાય ગ્લેન મેક્સવેલે 5 સદી અને ડેવિડ મિલરે 4 સદી ફટકારી છે.
Most M.O.M Awards for MI in IPL
16 – Rohit Sharma
14 – Kieron Pollard
10 – Jasprit Bumrah
8 – 𝗦𝘂𝗿𝘆𝗮𝗸𝘂𝗺𝗮𝗿*
8 – Sachin Tendulkar
7 – Ambati Rayudu
6 – Lasith Malinga
6 – Harbhajan Singh
6 – Hardik Pandya#MIvsSRH pic.twitter.com/oI6hGowmsg— 𝑺𝒉𝒆𝒃𝒂𝒔 (@Shebas_10dulkar) May 6, 2024
Most T20 centuries at No.4 or below
5 – Glenn Maxwell
4 – Suryakumar Yadav*
4 – David Miller
3 – Dasun Shanka#MIvSRH— Ram Garapati (@srk0804) May 6, 2024