IPLની છેલ્લી સિઝન મુંબઈ ઈન્ડિયન્સ માટે દુઃસ્વપ્નથી ઓછી નહોતી. પાંચ વખતની ચેમ્પિયન મુંબઈ ઈન્ડિયન્સ આખી સિઝનમાં 5 મેચ પણ જીતી શકી નથી. ટીમે 14માંથી 4 મેચ જીતીને પોઈન્ટ ટેબલમાં 10માં સ્થાને સ્થાન મેળવ્યું છે. પરંતુ આ વખતે ટીમ શાનદાર વાપસી કરીને છઠ્ઠી વખત આઈપીએલ ટાઈટલ જીતવા ઈચ્છશે.
મુંબઈ ઈન્ડિયન્સનો ડેશિંગ બેટ્સમેન ટિમ ડેવિડ આગામી સિઝન માટે મુંબઈ ઈન્ડિયન્સના કેમ્પમાં જોડાઈ ગયો છે. જો ટિમ ડેવિડ આ સિઝનમાં સારું પ્રદર્શન કરશે તો તે મુંબઈની જીતમાં મોટી ભૂમિકા ભજવતો જોવા મળશે. દરમિયાન, ટિમ ડેવિડના મુંબઈ ઈન્ડિયન્સ કેમ્પમાં સ્વાગતનો વિસ્ફોટક વીડિયો હાલ સોશિયલ મીડિયા પર વાયરલ થઈ રહ્યો છે.
ઓસ્ટ્રેલિયન ઓલરાઉન્ડર ટિમ ડેવિડ આ સમયે ટી-20 ક્રિકેટમાં પોતાની આગ દેખાડી રહ્યો છે. IPL 2022 મેગા ઓક્શનમાં મુંબઈ ઈન્ડિયન્સે ટિમ ડેવિડને 8.25 કરોડ રૂપિયામાં ખરીદ્યો હતો. ટિમ ડેવિડે ગત સિઝનમાં મુંબઈ ઈન્ડિયન્સ માટે શાનદાર રમત દર્શાવતા 216.28ની સ્ટ્રાઈક રેટથી 8 મેચમાં 186 રન બનાવ્યા હતા.
તમને જણાવી દઈએ કે, મુંબઈ ફ્રેન્ચાઈઝી ટિમ ડેવિડને કિરોન પોલાર્ડની જેમ ફિનિશર બનતા જોવા માંગે છે. ટિમ ડેવિડ મુંબઈ ઈન્ડિયન્સ કેમ્પમાં જોડાયો છે. ટીમમાં જોડાતાની સાથે જ ટીમ ડેવિડનું હોટેલમાં ઉષ્માભર્યું સ્વાગત કરવામાં આવ્યું હતું. હોટલમાં ટિમ ડેવિડને ફેટા નામની મરાઠી પાઘડી પહેરાવવામાં આવી હતી. જેનો વીડિયો મુંબઈ ઈન્ડિયન્સે સોશિયલ મીડિયા પર શેર કર્યો હતો.
View this post on Instagram