આઈપીએલ ફ્રેન્ચાઇઝી સનરાઇઝર્સ હૈદરાબાદની સીઈઓ કાવ્યા મારન અને દક્ષિણ ભારતીય ફિલ્મોના લોકપ્રિય સંગીતકાર અનિરુદ્ધ રવિચંદરના લગ્નને લઈને ફરી એકવાર ચર્ચાઓ તેજ બની છે. છેલ્લા ઘણા સમયથી બંનેના સંબંધોને લઈને સોશિયલ મીડિયા પર વિવિધ પ્રકારની અટકળો ચાલી રહી હતી, પરંતુ હવે અનિરુદ્ધના પરિવારના સભ્યના નિવેદન બાદ આ ચર્ચાએ વધુ જોર પકડ્યું છે.
અહેવાલો મુજબ અનિરુદ્ધના કાકા અને જાણીતા અભિનેતા વાય. જી. મહેન્દ્રને એક ઇન્ટરવ્યૂ દરમિયાન કહ્યું કે અનિરુદ્ધના લગ્ન થવાના છે અને કાવ્યા મારન તેની માટે યોગ્ય જીવનસાથી છે. તેણે બંનેની પ્રશંસા કરતાં જણાવ્યું કે આ જોડી ખૂબ સારી છે. જોકે તેણે લગ્નની તારીખ કે અન્ય કોઈ સત્તાવાર વિગતો જાહેર કરી નહોતી.
જોકે આ સમગ્ર મામલે સૌથી મહત્વની વાત એ છે કે કાવ્યા મારન અને અનિરુદ્ધ રવિચંદર – બંનેમાંથી કોઈએ પણ હજુ સુધી પોતાના સંબંધ કે લગ્ન અંગે સત્તાવાર પુષ્ટિ કરી નથી. વર્ષ 2025માં પણ આવા જ અહેવાલો સામે આવ્યા હતા, ત્યારે અનિરુદ્ધે સોશિયલ મીડિયા પર આવી અટકળોને ફગાવી દીધી હતી અને અફવાઓ ન ફેલાવવાની અપીલ કરી હતી.
બીજી તરફ કેટલાક તાજેતરના અહેવાલોમાં કાવ્યા મારનની ટીમે વાયરલ થઈ રહેલી લગ્નની વાતોને પાયાવિહોણી ગણાવી છે અને લોકોને અફવાઓ પર વિશ્વાસ ન કરવા જણાવ્યું છે. આ કારણે હાલ આ સમગ્ર મુદ્દે વિરોધાભાસી દાવાઓ સામે આવી રહ્યા છે અને સત્તાવાર જાહેરાતની રાહ જોવામાં આવી રહી છે.
ક્રિકેટપ્રેમીઓ માટે કાવ્યા મારન સનરાઇઝર્સ હૈદરાબાદની સક્રિય માલિક તરીકે ઓળખાય છે, જ્યારે અનિરુદ્ધ રવિચંદર ભારતીય ફિલ્મ ઉદ્યોગના સૌથી લોકપ્રિય સંગીતકારોમાંના એક છે. તેથી બંનેના નામ સાથે જોડાયેલી દરેક ખબર સોશિયલ મીડિયા પર ઝડપથી વાયરલ થઈ રહી છે. જોકે સત્તાવાર પુષ્ટિ ન થાય ત્યાં સુધી આ સમગ્ર મામલાને માત્ર અટકળો તરીકે જ જોવો યોગ્ય રહેશે.
साउथ सिनेमा के रॉकस्टार अनिरुद्ध रविचंदर और सनराइजर्स हैदराबाद (SRH) की नेशनल क्रश काव्या मारन की शादी की अटकलें अब महज़ अफ़वाह नहीं रहीं l
अनिरुद्ध के अंकल वाई. जी. महेंद्रन ने हाल ही में ‘KPTV’ यूट्यूब चैनल को दिए इंटरव्यू में कहा,
“जो जानकारी मुझे मिली है, उसके मुताबिक यह… pic.twitter.com/8fzr6l7W6O
— Vishal Mohan Yadav (@VishalMYadav_) June 28, 2026