IPL 2026ની 58મી મેચમાં પંજાબ કિંગ્સ સામે મુંબઈ ઇન્ડિયન્સે રોમાંચક જીત નોંધાવી હતી, પરંતુ મેચ બાદ મુંબઈ ઇન્ડિયન્સના બેટિંગ કોચ Kieron Pollard વિવાદમાં આવી ગયા છે. ચોથા અમ્પાયર સાથે અપશબ્દોનો ઉપયોગ કરવા બદલ BCCIએ પોલાર્ડ સામે કડક કાર્યવાહી કરી છે.
ધર્મશાલામાં રમાયેલી આ હાઇ-વોલ્ટેજ મેચમાં મુંબઈ ઇન્ડિયન્સે છેલ્લી ઓવરમાં 6 વિકેટે જીત મેળવી હતી. ટીમની જીતમાં તિલક વર્માએ અણનમ 75 રનની મહત્વપૂર્ણ ઇનિંગ રમી હતી. જોકે મેચ દરમિયાન બનેલી એક ઘટના હવે ચર્ચાનો વિષય બની છે.
રિપોર્ટ મુજબ, બીજી ઇનિંગની 19મી ઓવર દરમિયાન કિરોન પોલાર્ડ ચોથા અમ્પાયર સાથે વાદવિવાદ કરતા જોવા મળ્યા હતા. આ દરમિયાન તેણે અપશબ્દોનો ઉપયોગ કર્યો હોવાનું સામે આવ્યું હતું. IPLની આચાર સંહિતાના આર્ટિકલ 2.3 હેઠળ પોલાર્ડને લેવલ-1નો દોષી ઠેરવવામાં આવ્યો છે.
BCCI દ્વારા જાહેર કરાયેલી પ્રેસ રિલીઝ અનુસાર, પોલાર્ડે મેચ રેફરી પંકજ ધરમાણી સમક્ષ પોતાની ભૂલ સ્વીકારી લીધી હતી. ત્યારબાદ તેના પર મેચ ફીની 15 ટકા રકમનો દંડ ફટકારવામાં આવ્યો હતો. સાથે જ તેના ખાતામાં એક ડિમેરિટ પોઇન્ટ પણ ઉમેરવામાં આવ્યો છે.
આ IPL 2026 દરમિયાન કોઈ કોચ સામે લેવાયેલો પહેલો એવો એક્શન નથી. તે પહેલાં Andy Flower પણ ચોથા અમ્પાયર સાથે ઉગ્ર વાદવિવાદમાં જોવા મળ્યા હતા. મુંબઈ ઇન્ડિયન્સ અને રોયલ ચેલેન્જર્સ બેંગલુરુ વચ્ચે રમાયેલી મેચ દરમિયાન ફ્લાવર પર પણ આચાર સંહિતાના ભંગ બદલ દંડ ફટકારાયો હતો.
IPL 2026માં ખેલાડીઓ ઉપરાંત કોચિંગ સ્ટાફના વર્તન પર પણ હવે BCCI કડક નજર રાખી રહ્યું છે.
Kieron Pollard has been fined 15% of his match fees and handed 1 demerit point for using abusive language towards the 4th umpire. pic.twitter.com/jpZJBYDn9Y
— Mufaddal Vohra (@mufaddal_vohra) May 15, 2026