નવા કેપ્ટનની શોધમાં કોલકાતા નાઈટ રાઈડર્સ, ટીમ ઈન્ડિયાના આ ખેલાડી પર નજર

દિલ્હી કેપિટલ્સ (DC) એ ઇન્ડિયન પ્રીમિયર લીગ 2022 (IPL 2022) ની મેગા હરાજી પહેલા શ્રેયસ ઐયરને રિલીઝ કર્યો. ગત સિઝનના પહેલા હાફમાં ઐયર ઘાયલ થયા બાદ ફ્રેન્ચાઇઝીએ વિકેટ-કીપર બેટ્સમેન રિષભ પંતને છેલ્લી સિઝનમાં કેપ્ટન તરીકે નિયુક્ત કર્યો હતો

ટાઈમ્સ ઓફ ઈન્ડિયાના એક અહેવાલ અનુસાર, કોલકાતા નાઈટ રાઈડર્સ (KKR) એ ટીમોમાંથી એક છે જે ઐયરને પોતાની ટીમમાં સામેલ કરવા માંગે છે. ચર્ચા છે કે ટીમ તેને કેપ્ટન બનાવવા માંગે છે. જણાવી દઈએ કે ઐયરની કેપ્ટન્સીમાં દિલ્હી કેપિટલ્સની ટીમ વર્ષ 2020માં ફાઇનલમાં પહોંચી હતી. તે જ સમયે, કોલકાતાની ટીમ ઇયોન મોર્ગનની કેપ્ટનશીપમાં વર્ષ 2021માં ફાઇનલમાં પહોંચી હતી. તેને ચેન્નાઈથી હારનો સામનો કરવો પડ્યો હતો. ઈયોન મોર્ગનને ટીમ દ્વારા બહાર કરવામાં આવ્યો છે.

શ્રેયસ અય્યરે 41 મેચોમાં દિલ્હી કેપિટલ્સનું નેતૃત્વ કર્યું હતું, જેમાંથી 23માં જીત મેળવી હતી જ્યારે અન્યમાંથી 18માં હારનો સામનો કરવો પડ્યો હતો. એક કેપ્ટન તરીકે તેનો પ્રભાવશાળી રેકોર્ડ છે. તે 2020 સિઝનમાં 34.60 ની એવરેજથી 519 રન બનાવીને ચોથો સૌથી વધુ રન બનાવનાર ખેલાડી પણ હતો. આ જ કારણ છે કે તેનામાં KKRનો રસ વધી ગયો છે.

અય્યરે IPLમાં બેટથી અસાધારણ રીતે સારું પ્રદર્શન કર્યું છે. 27 વર્ષના જમણા હાથના બેટ્સમેને આઈપીએલમાં 87 મેચમાં 31.67ની એવરેજ અને 125ના સ્ટ્રાઈક રેટથી 2375 રન બનાવ્યા છે. IPL 2021માં તેણે 8 મેચમાં 35.00ની એવરેજથી 175 રન બનાવ્યા હતા. અય્યરે IPLમાં 16 અડધી સદી પણ ફટકારી છે.