IPL 2023ની 62મી મેચમાં ડિફેન્ડિંગ ચેમ્પિયન ગુજરાત ટાઇટન્સ અને સનરાઇઝર્સ હૈદરાબાદ વચ્ચે મેચ રમાશે.
આ મેચ અમદાવાદના નરેન્દ્ર મોદી સ્ટેડિયમમાં રમાશે. આ મેચમાં ગુજરાતનો મજબૂત દબદબો જોવા મળી રહ્યો છે. ગુજરાતની ટીમ વર્તમાન સિઝનમાં હોમ ગ્રાઉન્ડ પર સાતમાંથી છ મેચ રમી છે. તેણે 3 મેચ જીતી છે જ્યારે ત્રણ મેચમાં તેને હારનો સામનો કરવો પડ્યો છે. ગુજરાત પોતાના હોમ ગ્રાઉન્ડ પર લીગની છેલ્લી મેચ રમશે અને આ મેચમાં ટીમની નજર ટેબલમાં ટોચ પર રહેવા જીતવા પર હશે.
હવે પોઇન્ટ ટેબલ પર નજર કરીએ તો, ગુજરાત ટાઇટન્સ શાનદાર પ્રદર્શન કરવાનું ચાલુ રાખે છે. ટીમે 12 મેચ રમી છે. તેણે 8 મેચ જીતી છે, જ્યારે 4 મેચમાં તેને હારનો સામનો કરવો પડ્યો છે. લીગમાં સૌથી વધુ જીતનો રેકોર્ડ પણ ગુજરાતના નામે છે. ટીમ પોઈન્ટ ટેબલમાં કુલ 16 પોઈન્ટ સાથે ટોચ પર છે. બીજી તરફ સનરાઈઝર્સ હૈદરાબાદની વાત કરીએ તો ટીમ 8 પોઈન્ટ સાથે ટેબલમાં 9મા નંબરે એટલે કે તળિયેથી બીજા સ્થાને છે. હૈદરાબાદે કુલ 11 મેચમાંથી 4માં જીત મેળવી છે, જ્યારે 7 મેચમાં હારનો સામનો કરવો પડ્યો છે. ગુજરાતની ટીમ લગભગ પ્લેઓફમાં પહોંચી ગઈ છે, જ્યારે હૈદરાબાદની શક્યતા ઓછી દેખાઈ રહી છે.
ગુજરાત ટાઇટન્સમાંથી 11 રમી શકે છે:
હાર્દિક પંડ્યા (કેપ્ટન), શુભમન ગિલ, રિદ્ધિમાન સાહા (વિકેટકીપર), વિજય શંકર, ડેવિડ મિલર, અભિનવ મનોહર, રાહુલ તેવટિયા, રાશિદ ખાન, અલઝારી જોસેફ, નૂર અહેમદ/મોહિત શર્મા, મોહમ્મદ શમી.
સનરાઇઝર્સ હૈદરાબાદનું સંભવિત પ્લેઇંગ-11:
એડન માર્કરામ (કેપ્ટન), હેનરિક ક્લાસેન (વિકેટ-કીપર), અનમોલપ્રીત સિંહ, અભિષેક શર્મા, રાહુલ ત્રિપાઠી, ગ્લેન ફિલિપ્સ, અબ્દુલ સમદ, ભુવનેશ્વર કુમાર, માર્કો જેન્સન, મયંક માર્કંડે, ટી. નટરાજન.