દિલ્હી કેપિટલ્સના કેપ્ટન અને સ્ટાર બેટ્સમેન ઋષભ પંત પાસે બુધવારે (3 એપ્રિલ) કોલકાતા નાઈટ રાઈડર્સ સામે વિશાખાપટ્ટનમમાં યોજાનારી IPL 2024 મેચમાં ખાસ રેકોર્ડ બનાવવાની તક હશે. જો પંત આ મેચમાં 65 રન બનાવશે તો તે IPLમાં સૌથી ઝડપી 3000 રન બનાવનાર ખેલાડીઓની યાદીમાં ચોથા સ્થાને પહોંચી જશે. પંતે અત્યાર સુધી IPLમાં 101 મેચની 100 ઇનિંગ્સમાં 2965 રન બનાવ્યા છે. હાલમાં આ રેકોર્ડ સુરેશ રૈનાના નામે છે જેણે 103 ઇનિંગ્સમાં આ આંકડો પાર કર્યો છે.
આ યાદીમાં ક્રિસ ગેલ 75 ઇનિંગ્સ સાથે પ્રથમ સ્થાને છે. કેએલ રાહુલે 80 અને ડેવિડ વોર્નરે 94 ઈનિંગ્સ રમી હતી.
IPLમાં સૌથી ઝડપી 3000 રન:
1. ક્રિસ ગેલ- 75 ઇનિંગ્સ
2. કેએલ રાહુલ- 80 ઇનિંગ્સ
3. ડેવિડ વોર્નર- 94 ઇનિંગ્સ
4. સુરેશ રૈના- 103 ઇનિંગ્સ
5. એબી ડી વિલિયર્સ- 104 ઇનિંગ્સ
6. અજિંક્ય રહાણે- 104 ઇનિંગ્સ
આ સિવાય પંત દિલ્હી કેપિટલ્સનો પ્રથમ ખેલાડી અને ટૂર્નામેન્ટના ઈતિહાસમાં ટીમ માટે 3000 કે તેથી વધુ રન બનાવનાર દસમો ખેલાડી બનશે. આ પહેલા વિરાટ કોહલી, સુરેશ રૈના, રોહિત શર્મા, એબી ડી વિલિયર્સ, એમએસ ધોની, ડેવિડ વોર્નર, કિરોન પોલાર્ડ, ક્રિસ ગેલ જ આ સિદ્ધિ મેળવી શક્યા હતા.
15 મહિના પછી ફિટ પરત ફરેલ પંત પ્રથમ બે મેચમાં પોતાની સારી શરૂઆતને મોટી ઇનિંગ્સમાં બદલવામાં નિષ્ફળ રહ્યો છે. પરંતુ ચેન્નાઈ સામેની ત્રીજી મેચમાં પંતે 32 બોલમાં 4 ચોગ્ગા અને 3 છગ્ગાની મદદથી 51 રનની શાનદાર ઈનિંગ રમી હતી.