ભારતીય ક્રિકેટ બોર્ડ (BCCI) ના ભૂતપૂર્વ પ્રમુખ, સૌરવ ગાંગુલી એપ્રિલમાં શરૂ થનારી આગામી ઇન્ડિયન પ્રીમિયર લીગ (IPL) સીઝનથી દિલ્હી કેપિટલ્સ ટીમના ક્રિકેટ ડિરેક્ટર તરીકે લીગમાં પરત ફરશે.
ભારતીય ક્રિકેટ ટીમના પૂર્વ કેપ્ટને ઓક્ટોબરમાં બીસીસીઆઈના અધ્યક્ષ પદ પરથી રાજીનામું આપી દીધું હતું. દિલ્હી કેપિટલ્સ ઉપરાંત, તે આ ફ્રેન્ચાઈઝી સાથે સંકળાયેલ ILT20 ટીમ દુબઈ કેપિટલ્સ અને દક્ષિણ આફ્રિકાની T20 લીગ ટીમ પ્રિટોરિયા કેપિટલ્સના ક્રિકેટ-સંબંધિત કાર્યોનું ધ્યાન રાખશે.
પીટીઆઈના અહેવાલ અનુસાર, સૌરવ આ વર્ષથી દિલ્હી કેપિટલ્સ સાથે પરત ફરશે. આ અંગે ફ્રેન્ચાઈઝી અને તેમની વચ્ચે ચર્ચા થઈ છે. જોકે તેમણે આ ફ્રેન્ચાઈઝી સાથે કામ કર્યું છે, તેના માલિકો સાથે તેમની સારી સમજણ છે. જો તે IPLમાં કામ કરવા માંગે છે તો તે હંમેશા દિલ્હી કેપિટલ્સ સાથે કામ કરશે.
ગાંગુલી 2019માં ફ્રેન્ચાઇઝી સાથેના તેમના કાર્યકાળ દરમિયાન દિલ્હી કેપિટલ્સના માર્ગદર્શક હતા. એવું માનવામાં આવે છે કે ફ્રેન્ચાઇઝીએ તાજેતરની હરાજીમાં મુખ્ય કોચ રિકી પોન્ટિંગ અને ગાંગુલી બંનેના સૂચનને અનુસર્યું હતું.
Sourav Ganguly is set to be appointed as the Director of cricket of Delhi Capitals. (Source – PTI)
— Johns. (@CricCrazyJohns) January 3, 2023