હાલમાં ભારતમાં રમાનારી IPL 2024માં ક્રિકેટનો જબરદસ્ત ઉત્સાહ જોવા મળી રહ્યો છે. આ દિવસોમાં, સમગ્ર વિશ્વમાં ક્રિકેટ ચાહકો ઈન્ડિયન પ્રીમિયર લીગમાં રમાતી ઘણી શાનદાર મેચો જોઈને ક્રિકેટનો ભરપૂર આનંદ માણી રહ્યા છે.
દરમિયાન, પાકિસ્તાન ક્રિકેટ ટીમના ભૂતપૂર્વ ખેલાડીએ સોશિયલ મીડિયા પ્લેટફોર્મ X પર IPL 2024ની ટીકા કરતી એક પોસ્ટ શેર કરી છે. જે બાદ ભારતીય ફેન્સ તેને ખૂબ ટ્રોલ કરતા જોવા મળી રહ્યા છે.
પાકિસ્તાન ક્રિકેટ ટીમના પૂર્વ ફાસ્ટ બોલર જુનૈદ ખાને IPL 2024ને લઈને ટીકા કરી છે. દિલ્હી કેપિટલ્સ અને કોલકાતા નાઈટ રાઈડર્સ વચ્ચે રમાયેલી હાઈ-સ્કોરિંગ મેચ જોયા પછી, તેણે સોશિયલ મીડિયા પ્લેટફોર્મ પર ટ્વિટ કર્યું, “તેણે એક ઇનિંગમાં ઓપનર તરીકે 85 રન બનાવ્યા અને ટીમનો કુલ સ્કોર 272 રન હતો.” જુનૈદ ખાને આ ટ્વિટ કર્યા પછી, એક તરફ પાકિસ્તાની ફેન્સ તેના પક્ષમાં વાત કરી રહ્યા છે તો બીજી તરફ ભારતીય ફેન્સ તેને ખૂબ ટ્રોલ કરી રહ્યા છે.
In IPL batting is so easy on these flat pitches, Sunil Narine has scored a total of 155 in his international T20 career and today he has scored 85 as an opener.
The team total is 272.#KKRvsDC #IPL2024— Junaid khan (@JunaidkhanREAL) April 3, 2024
ભૂતપૂર્વ પાકિસ્તાની ફાસ્ટ બોલર જુનૈદ ખાને પહેલીવાર IPL 2024 વિશે વાત કરી છે, આ પહેલા તેણે આ સિઝનમાં મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચેની મેચમાં પણ ઝાટકણી કાઢી હતી. જેમાં હૈદરાબાદે પ્રથમ દાવમાં 278 રન બનાવ્યા હતા, જ્યારે બીજી ઈનિંગમાં મુંબઈએ લક્ષ્યનો પીછો કરતા 246 રન બનાવ્યા હતા. તે દરમિયાન તેણે લખ્યું હતું, “સપાટ પિચ, નાની બાઉન્ડ્રી અને ઝડપી આઉટફિલ્ડ, આને કહેવાય IPL, લક્ષ્ય 278.” આ ટ્વીટ પછી પણ ભારતીય ચાહકોએ તેની મજાક ઉડાવી.
ઘણીવાર પાકિસ્તાની ક્રિકેટરો ભારતમાં રમાતી IPL સાથે પાકિસ્તાન સુપર લીગ (PSL)ની તુલના કરે છે અને PSLને સારી લીગ કહે છે. આ કારણથી પાકિસ્તાનના કેટલાક પૂર્વ ક્રિકેટરો અને ચાહકો ઘણીવાર ભારતમાં IPLને ટ્રોલ કરતા જોવા મળે છે.
Flat pitches, small boundaries, quick outfield. This is called IPL
A target of 278 😲 #MIvsSRH #IPL2024— Junaid khan (@JunaidkhanREAL) March 27, 2024