આઈપીએલ 2022 પહેલા બ્રાયન લારા અને સ્ટેન જેવા દિગ્ગજ આ ટીમમાં જોડાયા

સનરાઈઝર્સ હૈદરાબાદે ગુરુવારે ઈન્ડિયન પ્રીમિયર લીગ (આઈપીએલ) 2022 પહેલા વેસ્ટ ઈન્ડિઝના દિગ્ગજ બ્રાયન લારા અને દક્ષિણ આફ્રિકાના ઝડપી બોલર ડેલ સ્ટેનને તેમના સપોર્ટ સ્ટાફમાં ઉમેર્યા છે.

લારા, જે સામાન્ય રીતે IPL દરમિયાન કોમેન્ટ્રી કરે છે, તે સનરાઇઝર્સના કોચિંગ વિભાગમાં તેની ભૂમિકા ભજવશે. તેને વ્યૂહાત્મક સલાહકાર અને બેટિંગ કોચ બનાવવામાં આવ્યો છે. ટીમે સોશિયલ મીડિયા દ્વારા આની જાહેરાત કરી હતી.

સનરાઇઝર્સ સહિત અન્ય ઘણી IPL ટીમો માટે રમી ચૂકેલા સ્ટેનને ફાસ્ટ બોલિંગ કોચ તરીકે નિયુક્ત કરવામાં આવ્યો છે. શ્રીલંકાના દિગ્ગજ ખેલાડી મુથૈયા મુરલીધરન સ્પિન બોલિંગ કોચ તરીકે ચાલુ રહેશે. ઓસ્ટ્રેલિયાના પૂર્વ ક્રિકેટર ટોમ મૂડી મુખ્ય કોચ તરીકે પરત ફર્યા છે. ઓસ્ટ્રેલિયાના ટ્રેવર બેલિસે 2021ની સીઝન બાદ મુખ્ય કોચ પદેથી રાજીનામું આપ્યું. મૂડી ગત સિઝનમાં સનરાઇઝર્સ માટે ક્રિકેટ ડિરેક્ટર હતા.

ભારતના ભૂતપૂર્વ બેટ્સમેન હેમાંગ બદાનીને ફિલ્ડિંગ કોચ તરીકે નિયુક્ત કરવામાં આવ્યા છે, જ્યારે રોયલ ચેલેન્જર્સ બેંગ્લોર (RCB)ના મુખ્ય કોચ સિમોન કેટિચને સહાયક કોચ તરીકે નિયુક્ત કરવામાં આવ્યા છે. સનરાઇઝર્સે ત્રણ ખેલાડીઓ, કેપ્ટન કેન વિલિયમસન, ઉમરાન મલિક અને અબ્દુલ સમદને રિટેન કર્યા છે, જે ફેબ્રુઆરીમાં યોજાનારી મેગા ઓક્શનથી પહેલા છે. સનરાઇઝર્સની ટીમ IPL 2021માં છેલ્લા સ્થાને રહી હતી.