વિરાટ કોહલીએ ઇતિહાસ બનાવ્યો, આવું કરનાર બન્યો પ્રથમ બેટ્સમેન

કોહલીએ ક્રિઝ પર સારો સમય ગાળ્યા બાદ ખુલ્લેઆમ રમવાનું શરૂ કર્યું હતું…

છેલ્લી ત્રણ મેચમાં બેટ સાથે પ્રદર્શન ન કરી શકનાર સુકાની વિરાટ કોહલી આખરે ફોર્મમાં પાછો ફર્યો અને શનિવારે રોયલ ચેલેન્જર્સ બેંગલોરને રાજસ્થાન રોયલ્સ સામે આઠ વિકેટથી જીત અપાવી તે ઓપનર દેવદત્ત પદ્વિકલ સાથે મળીને બીજી વિકેટ માટે-99 રનની ભાગીદારી નોંધાવી.

કોહલીએ ક્રિઝ પર સારો સમય ગાળ્યા બાદ ખુલ્લેઆમ રમવાનું શરૂ કર્યું હતું અને તેણે 53 બોલમાં સાત ચોગ્ગા અને બે છગ્ગાની મદદથી અણનમ 72 રન બનાવ્યા હતા. આ સાથે, વિરાટ કોહલી આઈપીએલના ઇતિહાસમાં 5500 રન બનાવનાર પ્રથમ ખેલાડી બન્યો છે.

આઈપીએલમાં સૌથી વધુ રન બનાવનારા બેટ્સમેન

5502 વિરાટ કોહલી (181 મેચ)
5368 સુરેશ રૈના (193 મેચ)
5068 રોહિત શર્મા (192 મેચ)
4821 ડેવિડ વોર્નર (130 મેચ)
4674 શિખર ધવન (163 મેચ)