ભારતીય ક્રિકેટ અને ખાસ કરીને IPL સાથે જોડાયેલા ક્રિકેટ જગતમાં મંગળવારે એક ચોંકાવનારી ઘટના સામે આવી છે. દિલ્હી કેપિટલ્સ અને બંગાળના વિકેટકીપર-બેટર અભિષેક પોરેલની પશ્ચિમ બંગાળ પોલીસે ધરપકડ કરી છે. પોરેલ સામે એક મહિલાએ ગંભીર આરોપો લગાવ્યા છે. પોલીસે તેમને હૂગલી જિલ્લામાંથી મોડી રાત્રે કસ્ટડીમાં લીધા હતા. આ મામલે કોર્ટના આદેશ બાદ ધરપકડ કરવામાં આવી હોવાનું પોલીસ અધિકારીએ જણાવ્યું છે.
રિપોર્ટ અનુસાર, કર્ણાટકની એક મેડિકલ વિદ્યાર્થીનીએ 23 જૂને મોગરા પોલીસ સ્ટેશનમાં પોરેલ વિરુદ્ધ ફરિયાદ નોંધાવી હતી. ફરિયાદમાં મહિલાએ આરોપ લગાવ્યો હતો કે તે અને પોરેલ લગભગ સાડા ત્રણ વર્ષથી સંબંધમાં હતા અને બંને લગ્ન કરવાની યોજના બનાવી રહ્યા હતા. મહિલાનો આરોપ છે કે લગ્નનું વચન આપીને તેની સાથે શારીરિક સંબંધ બાંધવામાં આવ્યો હતો. પોલીસે ફરિયાદ બાદ તપાસ શરૂ કરી હતી.
પોલીસના જણાવ્યા મુજબ, પોરેલ વિરુદ્ધ ભારતીય ન્યાય સંહિતા (BNS)ની વિવિધ કલમો હેઠળ કેસ નોંધાયો છે. તેમાં કલમ 69નો પણ સમાવેશ થાય છે. આ ઉપરાંત માહિતી ટેક્નોલોજી કાયદાની જોગવાઈઓ પણ લગાવવામાં આવી હોવાનું સામે આવ્યું છે. પોલીસ ટીમો પોરેલના ચંદનનગર સ્થિત ઘરે પણ ગઈ હતી, પરંતુ તે સમયે તેઓ ત્યાં મળ્યા નહોતા. હવે ધરપકડ બાદ તેમને કોર્ટમાં રજૂ કરવાની કાર્યવાહી હાથ ધરવામાં આવી છે.
અભિષેક પોરેલ બંગાળ માટે સ્થાનિક ક્રિકેટ રમે છે અને 2023થી દિલ્હી કેપિટલ્સ સાથે IPLમાં જોડાયેલા છે. ડાબોડી બેટર અને વિકેટકીપર તરીકે તેણે પોતાની ઓળખ બનાવી છે. 2026 સુધી IPLમાં તેમણે 35 મેચમાં 769 રન બનાવ્યા હોવાનું રિપોર્ટમાં જણાવાયું છે.
હાલ આ સમગ્ર મામલો કાયદાકીય તપાસ હેઠળ છે. પોરેલ અથવા તેના પરિવાર તરફથી આ આરોપો અંગે સત્તાવાર પ્રતિક્રિયા હજુ સામે આવી નથી. તેથી આરોપોને અંતિમ સત્ય તરીકે નહીં પરંતુ તપાસ હેઠળના આક્ષેપો તરીકે જ જોવામાં આવી રહ્યા છે.
प.बंगाल: IPL क्रिकेटर अभिषेक पोरेल गिरफ्तार
शादी का झांसा देकर यौन संबंध बनाने के आरोप में गिरफ्तारWatch : https://t.co/3fJ4B969tt#AbhishekPorel #Arrest #Bharat24Digital @Dhirendrasays @WBPolice pic.twitter.com/h5C30Rf2cE
— Bharat 24 – Vision Of New India (@Bharat24Liv) August 11, 2026