ભારતીય ક્રિકેટ ટીમના બોલિંગ કોચ અને દક્ષિણ આફ્રિકાના પૂર્વ દિગ્ગજ ઝડપી બોલર મોર્ને મોર્કેલ હવે ક્રિકેટના મેદાન બાદ ટીવીના લોકપ્રિય સ્ટંટ રિયાલિટી શો ખતરોં કે ખિલાડી 15માં પણ પોતાની અલગ ઓળખ બનાવતા જોવા મળશે. મીડિયા રિપોર્ટ્સ અનુસાર મોર્કેલ શોમાં ખાસ “ખતરા” તરીકે એન્ટ્રી કરશે અને સ્પર્ધકો માટે હાઇ-સ્પીડ ક્રિકેટ ચેલેન્જ લઈને આવશે.
રિપોર્ટ મુજબ, મોર્ને મોર્કેલ પોતાની ઘાતક ઝડપ અને ચોકસાઈ માટે જાણીતા રહ્યા છે. શોમાં તેઓ ક્રિકેટ અને સ્ટંટનો અનોખો સંગમ રજૂ કરશે, જેમાં સ્પર્ધકોને તેની તેજ ગતિની બોલિંગ સામે ખાસ ચેલેન્જનો સામનો કરવો પડશે. આ ટાસ્ક સામાન્ય ક્રિકેટ કરતાં ઘણો વધુ રોમાંચક અને જોખમી હોવાનું માનવામાં આવી રહ્યું છે.
‘ખતરોં કે ખિલાડી 15’નું શૂટિંગ દક્ષિણ આફ્રિકાના કેપટાઉનમાં પૂર્ણ થયું છે અને આ સીઝનનું સંચાલન ફરી એકવાર ફિલ્મ નિર્માતા રોહિત શેટ્ટી કરી રહ્યા છે. આ વખતે શોમાં “ખતરા” તરીકે જાણીતી હસ્તીઓને લાવીને સ્પર્ધકો માટે મુશ્કેલીનું સ્તર વધુ વધારવાનો પ્રયાસ કરવામાં આવ્યો છે. મોર્ને મોર્કેલ ઉપરાંત ક્રિસ ગેલ, કેવિન પીટરસન અને શિખર ધવન જેવા ક્રિકેટરોના નામોની પણ ચર્ચા ચાલી રહી છે, જોકે સત્તાવાર પુષ્ટિ હજુ સુધી કરવામાં આવી નથી.
મોર્ને મોર્કેલ હાલમાં ભારતીય ટીમના બોલિંગ કોચ તરીકે મહત્વની જવાબદારી નિભાવી રહ્યા છે. મેદાન પર પોતાના અનુભવથી ભારતીય બોલરોને માર્ગદર્શન આપતા મોર્કેલ હવે ટીવી દર્શકોનું પણ મનોરંજન કરવા તૈયાર છે. ક્રિકેટ ચાહકો માટે તેમને નવા અંદાજમાં જોવાનો આ ખાસ અવસર બનશે.
શો શરૂ થયા બાદ મોર્કેલની આ ખાસ એન્ટ્રી અને હાઇ-સ્પીડ ક્રિકેટ ચેલેન્જ દર્શકોમાં કેટલો ઉત્સાહ જગાવે છે, તેના પર સૌની નજર રહેશે. ક્રિકેટ અને મનોરંજનનો આ અનોખો મેળાપ ખતરોં કે ખિલાડી 15ને વધુ રોમાંચક બનાવશે તેવી અપેક્ષા વ્યક્ત કરવામાં આવી રહી છે.
Khatron Ke Khiladi 15 just got even more exciting! 🔥
International cricket star Morné Morkel is set to make his Indian television debut on the show, where contestants will face a thrilling challenge of catching a ball bowled by the legendary fast bowler. 🏏💥
Get ready for… pic.twitter.com/IeWbZio85I
— KBKE Update 👁️ (@kahanibollyki) July 28, 2026