PM મોદીએ ઇમ્ફાલમાં MNCA ઇન્ડોર ક્રિકેટ એકેડેમીનું વર્ચ્યુઅલી ઉદ્ઘાટન કર્યું

ભારતીય ક્રિકેટ કંટ્રોલ બોર્ડ (BCCI) દ્વારા ભંડોળ પૂરું પાડવામાં આવેલ MNCA ઇન્ડોર ક્રિકેટ એકેડેમીનું મંગળવારે વડા પ્રધાન નરેન્દ્ર મોદી દ્વારા ઇમ્ફાલના લુવાંગસંગબામ સ્થિત લુવાંગપોક્પા ક્રિકેટ સ્ટેડિયમ ખાતે વર્ચ્યુઅલી ઉદ્ઘાટન કરવામાં આવ્યું.

ઉત્તર-પૂર્વીય રાજ્યોના ક્રિકેટ સંગઠનો માટે ઇન્ડોર ક્રિકેટ એકેડેમી શરૂ કરવાની પહેલના ભાગ રૂપે આ ઉદ્ઘાટન કરવામાં આવ્યું હતું.

IANS સાથે વાત કરતા, મણિપુર ક્રિકેટ એસોસિએશન (MNCA) ના સેક્રેટરી લૈરેંજમ ગીતારંજન સિંહે ઉદ્ઘાટનને મણિપુર ક્રિકેટ માટે એક ઐતિહાસિક ક્ષણ ગણાવી અને BCCI સેક્રેટરી તરીકેના તેમના કાર્યકાળ દરમિયાન આ પ્રોજેક્ટને ટેકો આપવા બદલ ICC ના વર્તમાન પ્રમુખ જય શાહનો આભાર માન્યો.

તેમણે સમજાવ્યું કે એકેડેમી વિશ્વ કક્ષાની સુવિધાઓથી સજ્જ છે, જેમાં ત્રણ ઇન્ડોર પીચ, એક જીમ, એક વહીવટી કાર્યાલય અને એક ગરમ સ્વિમિંગ પૂલનો સમાવેશ થાય છે. આગામી બે વર્ષ સુધી એકેડેમીની જાળવણી અને સંચાલનનો ખર્ચ BCCI ઉઠાવશે.

ઉપરાંત કહ્યું, કે – ઇન્ડોર એકેડેમી મણિપુરના ખેલાડીઓ માટે ખૂબ જ મદદરૂપ થશે, ખાસ કરીને વરસાદની ઋતુ દરમિયાન, કારણ કે હવે ખેલાડીઓને રાજ્યની બહાર મોકલ્યા વિના કોચિંગ કેમ્પ અને તાલીમ સત્રો આખું વર્ષ યોજી શકાય છે.