નેપાળના સ્પિનર સંદીપ લામિછાનેને 18 વર્ષની છોકરી પર બળાત્કાર કરવા બદલ આઠ વર્ષની જેલની સજા ફટકાર્યા બાદ ગુરુવારે દેશના ક્રિકેટ એસોસિએશને સસ્પેન્ડ કરી દીધો હતો. કાઠમંડુ ડિસ્ટ્રિક્ટ કોર્ટે બુધવારે આ નિર્ણય સંભળાવ્યો હતો અને નેપાળ ક્રિકેટ એસોસિએશને એક દિવસ પછી આની જાહેરાત કરી હતી.
નેપાળ ક્રિકેટે કહ્યું, “અમે તમને જણાવીએ છીએ કે સજા મળ્યા પછી, સંદીપ લામિછાનેને તમામ સ્થાનિક અને આંતરરાષ્ટ્રીય ક્રિકેટ પ્રવૃત્તિઓમાંથી સસ્પેન્ડ કરી દેવામાં આવ્યો છે.” જો કે, લામિછાણેના વકીલ સરોજ ઘીમિરેએ ‘ધ કાઠમંડુ પોસ્ટ’ને કહ્યું કે તે આના વિરુદ્ધ ઉચ્ચ અદાલતમાં અપીલ કરશે.”
કાઠમંડુ પોલીસે ગયા વર્ષે સપ્ટેમ્બરમાં લામિછાનેની ધરપકડ માટે વોરંટ જારી કર્યું હતું. આ પછી નેપાળ ક્રિકેટ એસોસિએશને તેને ટીમના કેપ્ટન પદેથી સસ્પેન્ડ કરી દીધો હતો. જો કે, તે કેરેબિયન પ્રીમિયર લીગ (CPL)માં જમૈકા તલ્લાવાહ માટે રમી રહ્યો હતો.
લામિછાનેએ તેમની ધરપકડ પહેલા પોતાની નિર્દોષતા જાહેર કરી હતી અને સોશિયલ મીડિયા સાઇટ ફેસબુક પર લખ્યું હતું કે તેઓ “તપાસમાં સંપૂર્ણ સહયોગ કરશે અને પોતાની નિર્દોષતા સાબિત કરવા માટે કાનૂની લડાઈ લડશે.” તેણે તેને ષડયંત્ર પણ ગણાવ્યું હતું.
ગયા વર્ષે ફેબ્રુઆરીમાં ક્રિકેટ વર્લ્ડ કપ લીગ ટુની ત્રિકોણીય શ્રેણી દરમિયાન નેપાળની ટીમમાં રમવા માટે તેના નામ પર વિચાર કરવામાં આવ્યો હતો. પરંતુ ગયા વર્ષના અંતે તે દુબઈમાં વર્લ્ડ કપ લીગ ટુ ત્રિકોણીય શ્રેણીમાંથી બહાર થઈ ગયો હતો. ઈજાગ્રસ્ત ખેલાડીની જગ્યાએ તે ફરી ટીમમાં જોડાયો હતો.
લામિછાને ગયા વર્ષે જૂન-જુલાઈમાં ઝિમ્બાબ્વેમાં નેપાળ માટે ODI વર્લ્ડ કપ ક્વોલિફાયર રમ્યો હતો અને ત્યારબાદ ઓગસ્ટ-સપ્ટેમ્બરમાં એશિયા કપમાં પણ રમ્યો હતો. તેણે નેપાળ માટે 100 થી વધુ વ્હાઇટ બોલ મેચમાં 100 થી વધુ વિકેટ લીધી છે. લામિછાને 2018-2020 વચ્ચે ઈન્ડિયન પ્રીમિયર લીગ ફ્રેન્ચાઈઝી દિલ્હી કેપિટલ્સ માટે રમ્યો હતો અને તેણે નવ મેચમાં 13 વિકેટ લીધી હતી.
The cricketing body of Nepal suspends Sandeep Lamichhane- the rape-convicted cricketer from all kinds of national as well as International games.
(file pic) pic.twitter.com/RTgPP20ZYN
— ANI (@ANI) January 11, 2024