રોયલ ચેલેન્જર્સ બેંગલુરુ (RCB)ના દિગ્ગજ બેટ્સમેન Virat Kohli ફરી એકવાર ચર્ચાના કેન્દ્રમાં આવ્યા છે. IPL 2026ની ટ્રોફી જીત્યા બાદ કોહલીએ સોશિયલ મીડિયા પર એક ભાવુક પોસ્ટ શેર કરી, જે થોડા જ સમયમાં વાયરલ થઈ ગઈ. પોતાના સંદેશમાં કોહલીએ RCB પ્રત્યેનો પ્રેમ વ્યક્ત કરતાં લખ્યું કે, “આ જગ્યા જ મારું ઘર છે.” તેની આ પોસ્ટે લાખો ક્રિકેટપ્રેમીઓના દિલ જીતી લીધા છે.
IPL 2026માં RCBએ શાનદાર પ્રદર્શન કરીને સતત બીજી વખત ખિતાબ પોતાના નામે કર્યો. ટીમની આ સફળતામાં કોહલીનું યોગદાન ખૂબ મહત્વનું રહ્યું. ટૂર્નામેન્ટ દરમિયાન તેણે અનેક મહત્વપૂર્ણ ઇનિંગ્સ રમી અને ટીમને મુશ્કેલ પરિસ્થિતિઓમાંથી બહાર કાઢી હતી. ખિતાબ જીત્યા બાદ કોહલીની પોસ્ટે સાબિત કર્યું કે RCB સાથે તેનો સંબંધ માત્ર એક ખેલાડી અને ફ્રેન્ચાઇઝી પૂરતો નથી, પરંતુ તે તેના માટે એક પરિવાર સમાન છે.
કોહલી છેલ્લા ઘણા વર્ષોથી RCB સાથે જોડાયેલા છે અને ટીમના સૌથી મોટા ચહેરા તરીકે ઓળખાય છે. તેના નેતૃત્વ, જુસ્સા અને સમર્ણે RCBને નવી ઊંચાઈઓ સુધી પહોંચાડવામાં મહત્વની ભૂમિકા ભજવી છે. ટીમના ડ્રેસિંગ રૂમમાં પણ તેની હાજરી ખેલાડીઓને પ્રેરણા આપે છે, જેના વિશે સાથી ખેલાડીઓએ પણ અનેક વખત ખુલાસો કર્યો છે.
કોહલીની પોસ્ટ સામે આવ્યા બાદ ચાહકોએ સોશિયલ મીડિયા પર જબરદસ્ત પ્રતિસાદ આપ્યો. અનેક લોકોએ તેને RCB પ્રત્યેના તેના અતૂટ પ્રેમનું પ્રતીક ગણાવ્યું. IPLમાં બે સતત ખિતાબ જીત્યા બાદ કોહલી અને RCBનો આ સફળતાનો સફર હવે વધુ યાદગાર બની ગયો છે. ચાહકોને આશા છે કે આગામી સીઝનમાં પણ કોહલીની આગેવાનીમાં RCB વધુ સફળતાઓ હાંસલ કરશે.