અફઘાનિસ્તાને શ્રીલંકા સામેની ત્રણ મેચની વનડે શ્રેણી માટે તેની 18 ખેલાડીઓની ટીમની જાહેરાત કરી છે. આ ટીમમાં લેફ્ટ આર્મ રિસ્ટ સ્પિનર નૂર અહેમદને પ્રથમ વખત તક મળી છે.
17 વર્ષીય નૂરને અગાઉ એશિયા કપની ટીમમાં પસંદ કરવામાં આવ્યો હતો, પરંતુ તેને પ્લેઈંગ ઈલેવનમાં સ્થાન મળ્યું ન હતું. આ પછી, તે T20 વર્લ્ડ કપની ટીમમાં પણ સ્થાન મેળવવામાં નિષ્ફળ રહ્યો.
17 વર્ષીય નૂરે ઝિમ્બાબ્વે સામેની ટી20 ડેબ્યૂમાં ચાર વિકેટ ઝડપી હતી અને આ શાનદાર પ્રદર્શનને કારણે તેને પહેલી જ મેચમાં જ મેન ઓફ ધ મેચનો એવોર્ડ આપવામાં આવ્યો હતો. નૂર ઉપરાંત, ભૂતપૂર્વ કેપ્ટન ગુલબદ્દીન નાયબ, જેણે વર્લ્ડ કપમાં હઝરતુલ્લાહ ઝાઝાઈની જગ્યા લીધી હતી, તે પણ ODI ટીમમાં પરત ફર્યા છે.
અફઘાનિસ્તાન ક્રિકેટ બોર્ડના સીઈઓ નસીબ ખાને કહ્યું, “પસંદગીકારોએ શ્રેણી માટે કેટલાક યુવા ચહેરાઓને સામેલ કર્યા છે, જે આવતા વર્ષના આઈસીસી ક્રિકેટ વર્લ્ડ કપમાં અમારા માટે શુભ સંકેત છે.”
તેમણે વધુમાં ઉમેર્યું હતું કે, “આવતા વર્ષે મેગા ઈવેન્ટ માટે અમારી લાયકાતની દ્રષ્ટિએ આ શ્રેણી અમારા માટે મહત્વપૂર્ણ છે અને મને ખાતરી છે કે જ્યારે ટીમ મેદાનમાં ઉતરશે ત્યારે તે સારું પ્રદર્શન કરવા માટે પૂરતી મજબૂત હશે.”
શ્રીલંકા અને અફઘાનિસ્તાન વચ્ચે રમાનારી ત્રણ મેચની વનડે શ્રેણીની પ્રથમ મેચ 25 નવેમ્બરે રમાશે. આ પછી, આગામી બે મેચ અનુક્રમે 27 અને 30 નવેમ્બરે પલ્લેકેલે ઇન્ટરનેશનલ ક્રિકેટ સ્ટેડિયમમાં રમાશે. અફઘાનિસ્તાન હાલમાં વર્લ્ડ કપ સુપર લીગના પોઈન્ટ ટેબલમાં સાતમા સ્થાને છે.
🚨 Our Squad is out for @OfficialSLC ODIs 🚨
👉: https://t.co/uzt5zxtX9d #AfghanAtalan | #AFGvSL pic.twitter.com/wGV4FtGiYn
— Afghanistan Cricket Board (@ACBofficials) November 19, 2022
અફઘાનિસ્તાન ODI ટીમઃ હશમતુલ્લાહ શાહિદી (કેપ્ટન), રહમત શાહ (વાઈસ-કેપ્ટન), રહેમાતુલ્લા ગુરબાઝ (વિકેટકીપર), અઝમતુલ્લાહ ઉમરઝાઈ, ફરીદ અહેમદ, ફઝલાહક ફારૂકી, ગુલબદ્દીન નાયબ, ઈબ્રાહીમ ઝદરાન, ઈકરામ અલી ખિલ (વિકેટકીપર), મોહમ્મદ નબી, મોહમ્મદ નાયબ. ઉર રહેમાન, નજીબુલ્લાહ ઝદરાન, નૂર અહેમદ, રાશિદ ખાન, રિયાઝ હસન, શહીદઉલ્લાહ કમાલ, યામીન અહમદઝાઈ, ઝિયા-ઉર-રહેમાન