પાકિસ્તાન અને ન્યુઝીલેન્ડ વચ્ચે ત્રણ મેચની વનડે સીરીઝ રમાઈ રહી છે. પ્રથમ બોલિંગ કરીને પાકિસ્તાને ન્યૂઝીલેન્ડને 50 ઓવરમાં 9 વિકેટે 255 રન પર રોકી દીધા હતા. પાકિસ્તાનનો સૌથી સફળ બોલર નસીમ શાહ હતો.
તેણે 10 ઓવરમાં 57 રન આપીને 5 વિકેટ લીધી હતી. ન્યુઝીલેન્ડ તરફથી માઈકલ બ્રેસવેલે સૌથી વધુ 43 રન બનાવ્યા હતા. ડેબ્યૂ મેચ રમી રહેલા ઉસામા મીરે ન્યૂઝીલેન્ડના કેપ્ટન કેન વિલિયમસનની વિકેટ સહિત બે વિકેટ લીધી હતી.
નસીમ શાહે ન્યૂઝીલેન્ડ સામેની 1લી ODIમાં 5 વિકેટ ઝડપી છે. તેણે ઇનિંગની પહેલી જ ઓવરમાં ઓપનર ડેવોન કોનવેને પોતાનો પહેલો શિકાર બનાવ્યો હતો. ત્યાર બાદ તેણે 44મી ઓવરમાં ગ્લેન ફિલિપને આઉટ કર્યો હતો. તે 46મી ઓવરમાં હેટ્રિક લેવાની નજીક પહોંચી ગયો હતો. તેણે શિપલી અને બ્રેસવેલને સળંગ બોલમાં આઉટ કર્યા હતા. છેલ્લી ઓવરમાં શાહે સેન્ટનરને આઉટ કરીને તેની પાંચ વિકેટ ઝડપી હતી.
નસીમ શાહે કરાચીમાં રમાઈ રહેલી 1લી ODIમાં ન્યૂઝીલેન્ડ સામે 5 વિકેટ ઝડપી હતી. જોકે તેણે ગયા વર્ષે પણ આ કારનામું કર્યું હતું. તેણે ગયા વર્ષે નેધરલેન્ડ્સ સામે પાંચ વિકેટ ઝડપવાની સિદ્ધિ હાંસલ કરી હતી, ત્યારબાદ આ સતત બીજી વખત છે કે તેણે ODI ફોર્મેટમાં પાંચ વિકેટ ઝડપી છે.
આ સાથે જ તે પ્રથમ ચાર મેચમાં સૌથી વધુ વિકેટ લેનાર બોલર પણ બની ગયો છે. તેણે પોતાની 4 વનડેમાં 15 વિકેટ ઝડપી છે, આ પહેલા આ રેકોર્ડ રેયાન હેરિસ અને ગેરી ગિલમોરના નામે હતો, જેમણે આટલી મેચોમાં 14 વિકેટ ઝડપી હતી.