પાકિસ્તાન ક્રિકેટ ટીમ આગામી ODI વર્લ્ડ કપમાં ભાગ લેવા બુધવારે (27 સપ્ટેમ્બર) ભારત પહોંચી હતી. પાકિસ્તાનની ક્રિકેટ ટીમ લગભગ 7 વર્ષ બાદ ભારત પહોંચી છે. અગાઉ 2016માં ટી20 વર્લ્ડ કપ દરમિયાન પાકિસ્તાનની ટીમ ભારત આવી હતી.
વિઝાની સમસ્યાને કારણે પાકિસ્તાન ક્રિકેટ ટીમનો ભારત પ્રવાસ વિલંબિત થયો છે. સમયસર વિઝા ન મળવાને કારણે ટીમે પોતાના પ્લાનમાં ઘણા ફેરફાર કરવા પડ્યા. પાકિસ્તાને પ્રેક્ટિસ મેચ માટે 27 સપ્ટેમ્બરે હૈદરાબાદ પહોંચતા પહેલા દુબઈમાં બે દિવસીય ‘ટીમ બોન્ડિંગ’ સત્રમાંથી પસાર થવાનું હતું. પરંતુ ભારતીય વિઝા અંગે અનિશ્ચિતતાના કારણે દુબઈ ઈવેન્ટ રદ કરવામાં આવી હતી.
પાકિસ્તાન ક્રિકેટ ટીમ 18 ખેલાડીઓ અને 13 સપોર્ટ સ્ટાફ સાથે ભારત આવી છે. કોચ મોર્ને મોર્કેલ દુબઈમાં ટીમ સાથે જોડાશે જ્યારે મિકી આર્થર ભારતમાં ટીમ સાથે જોડાશે. પાકિસ્તાનની ટીમ 27 સપ્ટેમ્બરે રાત્રે લગભગ 8.15 વાગ્યે ભારત પહોંચી હતી. ટીમની પ્રથમ વોર્મ-અપ મેચ 29 સપ્ટેમ્બરે ન્યૂઝીલેન્ડ સામે થશે. બીજી વોર્મ-અપ મેચ 4 ઓક્ટોબરે ઓસ્ટ્રેલિયા સામે રમાશે. પાકિસ્તાનની ટીમ વર્લ્ડ કપમાં પોતાની પ્રથમ મેચ 6 ઓક્ટોબરે નેધરલેન્ડ સામે રમશે.
પાકિસ્તાનની ટીમે છેલ્લે ભારતમાં 2016માં T20 વર્લ્ડ કપમાં ભાગ લીધો હતો. બંને દેશો વચ્ચે રાજદ્વારી તણાવને કારણે ક્રિકેટ ટીમો માત્ર એશિયા કપ અને ICC ટુર્નામેન્ટમાં જ એકબીજા સામે રમે છે.
પાકિસ્તાન ટીમઃ બાબર આઝમ (કેપ્ટન), શાદાબ ખાન, ફખર ઝમાન, ઈમામ-ઉલ હક, અબ્દુલ્લા શફીક, મોહમ્મદ રિઝવાન, સઈદ શકીલ, ઈફ્તિખાર અહેમદ, સલમાન અલી આગા, મોહમ્મદ નવાઝ, ઉસામા મીર, હરિસ રઉફ, હસન અલી, શાહીન આફ્રિદી અને મોહમ્મદ વસીમ.
Babar Azam & Pakistan team in Hyderabad.
– The carnival on the way…!!!!pic.twitter.com/3zXcv1cf84
— Johns. (@CricCrazyJohns) September 27, 2023