આંતરરાષ્ટ્રીય ક્રિકેટ પરિષદ (ICC) દ્વારા 2027ના વનડે વર્લ્ડ કપ માટે નવી ટૂર્નામેન્ટ ફોર્મેટ જાહેર કરવામાં આવી છે, જે આ મેગા ઇવેન્ટને અત્યાર સુધીનો સૌથી મોટો વર્લ્ડ કપ બનાવશે. દક્ષિણ આફ્રિકા, ઝિમ્બાબ્વે અને નામીબિયાના સંયુક્ત યજમાનપદમાં યોજાનારા આ ટૂર્નામેન્ટમાં કુલ 57 મેચ રમાશે, જે વર્લ્ડ કપના ઇતિહાસમાં એક જ આવૃત્તિમાં સૌથી વધુ મેચોનો નવો રેકોર્ડ બનશે.
2027ના વર્લ્ડ કપમાં કુલ 14 ટીમો ભાગ લેશે. ટૂર્નામેન્ટમાં ટીમોને બે ગ્રુપમાં વહેંચવામાં આવશે, ત્યારબાદ સુપર રાઉન્ડ અને ત્યાર પછી નોકઆઉટ તબક્કો રમાશે. નવા ફોર્મેટનો હેતુ વધુ સ્પર્ધાત્મક મુકાબલા અને ચાહકોને વધુ રોમાંચક ક્રિકેટ આપવાનો છે.
ICCએ આ વર્લ્ડ કપ માટે કુલ 12 યજમાન શહેરોની પણ જાહેરાત કરી છે. દક્ષિણ આફ્રિકાના અનેક શહેરો ઉપરાંત ઝિમ્બાબ્વે અને નામીબિયામાં પણ મેચો યોજાશે. 2003 બાદ પહેલીવાર ક્રિકેટનો સૌથી મોટો મહાકુંભ ફરીથી આફ્રિકા પરત ફરી રહ્યો છે, જ્યારે નામીબિયા પ્રથમ વખત ODI વર્લ્ડ કપના યજમાન દેશોમાં સામેલ થશે.
નવી ફોર્મેટને કારણે દરેક ટીમને વધુ મેચ રમવાની તક મળશે, જેનાથી ટૂર્નામેન્ટનું મહત્વ અને સ્પર્ધા બંનેમાં વધારો થશે. ક્રિકેટ નિષ્ણાતોનું માનવું છે કે લાંબા ફોર્મેટથી ટોચની ટીમો માટે કમબેક કરવાની વધુ તક રહેશે અને ટૂર્નામેન્ટ વધુ સંતુલિત બનશે.
ICCએ વર્લ્ડ કપ માટે “Make the Circle Bigger” થીમ પણ રજૂ કરી છે, જે ક્રિકેટને નવા વિસ્તારો સુધી પહોંચાડવાના અને રમતના વૈશ્વિક વિકાસના સંદેશને આગળ ધપાવે છે. સમગ્ર ક્રિકેટ જગત હવે 2027ના આ ઐતિહાસિક વર્લ્ડ કપની આતુરતાથી રાહ જોઈ રહ્યું છે, જ્યાં રેકોર્ડ સંખ્યામાં મેચો સાથે ચાહકોને ક્રિકેટનો અનોખો રોમાંચ જોવા મળશે.
ODI world Cup 2027 में बनेगा नया कीर्तिमान, आईसीसी ने अभी से कर दिया ऐलानhttps://t.co/dzafynrau3
— India TV (@indiatvnews) July 31, 2026