ભારતના યુવા ઝડપી બોલર ઉમરાન મલિકે મંગળવારે ભારત માટે આંતરરાષ્ટ્રીય ક્રિકેટમાં સૌથી ઝડપી બોલ ફેંકવાનો પોતાનો જ રેકોર્ડ તોડી નાખ્યો. 23 વર્ષીય બોલરે શ્રીલંકા સામેની પ્રથમ વનડેમાં આ સિદ્ધિ મેળવી હતી.
આ સાથે, તે T20I અને એક દિવસીય આંતરરાષ્ટ્રીય ક્રિકેટમાં ભારત માટે સૌથી ઝડપી બોલર પણ બન્યો.
ઉમરાન મલિકે ગુવાહાટી ખાતે શ્રીલંકા સામેની વનડેમાં 156 કિમી પ્રતિ કલાકની ઝડપે બોલિંગ કરી અને ભારતીય ક્રિકેટના ઈતિહાસમાં સૌથી ઝડપી આંતરરાષ્ટ્રીય બોલની યાદીમાં ટોચ પર છે. અગાઉ, ઉમરાન મલિકે શ્રીલંકા સામેની પ્રથમ T20Iમાં 155 કિમી પ્રતિ કલાકની ઝડપે બોલિંગ કરીને જસપ્રિત બુમરાહનો રેકોર્ડ તોડ્યો હતો.
જસપ્રીત બુમરાહે આંતરરાષ્ટ્રીય ક્રિકેટમાં 153.6 કિમી પ્રતિ કલાકની ઝડપે બોલ ફેંક્યો હતો, પરંતુ હવે ઉમરાને આ રેકોર્ડ ઘણી વખત તોડી નાખ્યો છે. પ્રથમ ODIમાં 14મી ઓવરમાં ઉમરાન મલિકની ગતિ જોવા મળી હતી, ઓવરના બીજા અને ત્રીજા બોલે 151kmph ની ઝડપ પકડી હતી, જ્યારે ચોથો બોલ સ્પીડ ગનમાં 156kmph ની ઝડપે હતો.
ઉમરાન મલિક પ્રથમ વનડેમાં થોડો મોંઘો સાબિત થયો હતો, પરંતુ તેણે ત્રણ વિકેટ ઝડપી હતી. તેણે પથુમ નિસાન્કા, ચારિથ અસલંકા અને દુનિથ વેલાલ્ગેની વિકેટ લીધી હતી. ઉમરાન મલિકે 8 ઓવર નાંખી, 57 રન આપ્યા. ઉમરાન મલિકની આ છઠ્ઠી વનડે હતી. તે અત્યાર સુધી આ ફોર્મેટમાં 10 વિકેટ લેવામાં સફળ રહ્યો છે.
Umran Malik is here just for this! #INDvSL pic.twitter.com/6MpIcYCeBG
— Wisden India (@WisdenIndia) January 10, 2023