ઇન્ટરનેશનલ ક્રિકેટ કાઉન્સિલ (ICC) એ સોમવારે ICC અંડર-19 મેન્સ ક્રિકેટ વર્લ્ડ કપ 2026 ના બે સેમિફાઇનલ માટે અમ્પાયરો અને રેફરીઓની આંતરરાષ્ટ્રીય પેનલની જાહેરાત કરી.
૩ ફેબ્રુઆરીના રોજ બુલાવાયોમાં ઓસ્ટ્રેલિયા અને ઇંગ્લેન્ડ વચ્ચે સેમિફાઇનલ ૧ રમાશે, જેમાં ઝાહિદ બસરથ અને વીરેન્દ્ર શર્મા ઓન-ફિલ્ડ અમ્પાયર તરીકે રહેશે.
ઝાહિદ બસરથે ઈંગ્લેન્ડ અને ન્યુઝીલેન્ડ વચ્ચેની મેચોમાં અમ્પાયરિંગ કર્યું હતું, જ્યારે ઓસ્ટ્રેલિયા અને જાપાન તેમજ ઓસ્ટ્રેલિયા અને શ્રીલંકા વચ્ચેની મેચોમાં વીરેન્દ્ર શર્મા મેદાન પર હતા. લુબાબાલો ગકુમા થર્ડ અમ્પાયર રહેશે, જ્યારે પ્રગીથ રામબુકવેલા ફોર્થ અમ્પાયર રહેશે. પ્રકાશ ભટ્ટ મેચ રેફરી છે.
ભારત અને અફઘાનિસ્તાન વચ્ચેની બીજી સેમિફાઇનલ 4 ફેબ્રુઆરીએ હરારેમાં રમાશે, જેમાં શોન હેગ અને રસેલ વોરેન ઓન-ફિલ્ડ અમ્પાયર તરીકે રહેશે.
શોન હેગે દક્ષિણ આફ્રિકા અને વેસ્ટ ઇન્ડીઝ સામે અફઘાનિસ્તાનની ગ્રુપ સ્ટેજની જીતમાં અમ્પાયરિંગ કર્યું હતું, જ્યારે વોરેન યુએસએ અને બાંગ્લાદેશ સામે ભારતની જીતમાં મેદાનમાં હતા. શોન ક્રેગ થર્ડ અમ્પાયર રહેશે, જ્યારે મસુદુર મુકુલને ફોર્થ અમ્પાયર તરીકે નિયુક્ત કરવામાં આવ્યા છે. ગ્રેમ લાબ્રુ મેચ રેફરી છે.