પાકિસ્તાની મૂળના ઉસ્માન ખ્વાજાએ એશિઝ શ્રેણીની ચોથી ટેસ્ટ મેચની બંને ઇનિંગ્સમાં સદી ફટકારી હતી. 35 વર્ષીય ઉસ્માન ખ્વાજાએ બેક ટુ બેક સદી ફટકારીને અઢી વર્ષ બાદ ટીમમાં પુનરાગમનની ઉજવણી કરી હતી.
ઉસ્માન ખ્વાજાએ સિડની ટેસ્ટ દરમિયાન ઓસ્ટ્રેલિયાની પ્રથમ ઇનિંગમાં 137 રન બનાવ્યા હતા, જ્યારે બીજી ઇનિંગમાં 101 રન બનાવીને અણનમ રહ્યો હતો. 35 વર્ષીય ઉસ્માન ખ્વાજાની સદીની મદદથી ઓસ્ટ્રેલિયાએ ચોથી ઇનિંગમાં ઇંગ્લેન્ડ સામે જીત માટે 388 રનનો મોટો ટાર્ગેટ આપ્યો હતો.
પરત ફરતા ઉસ્માન ખ્વાજાએ બીજી ઇનિંગમાં 138 બોલમાં 10 ચોગ્ગા અને 2 છગ્ગા સાથે 101 રનની આક્રમક ઇનિંગ રમી હતી. ઉસ્માને કેમરૂન ગ્રીન સાથે 179 રનની ભાગીદારી કરી હતી.
આ સાથે ઉસ્માન ખ્વાજા એશિઝ ટેસ્ટમાં ઓસ્ટ્રેલિયા માટે એક જ ટેસ્ટમાં બંને દાવમાં સદી ફટકારનાર છઠ્ઠો બેટ્સમેન બની ગયો છે. haqexpress.com મુજબ ઓસ્ટ્રેલિયાના બેટ્સમેન ઉસ્માન ખ્વાજાની નેટવર્થ 2 મિલિયન ડોલર છે.
ઉસ્માન તારિક ખ્વાજા એક ઓસ્ટ્રેલિયન ક્રિકેટર છે જેની અંદાજિત નેટ વર્થ 2022 માં $2 મિલિયન છે. ઉસ્માન ખ્વાજાનું પૂરું નામ ઉસ્માન તારિક ખ્વાજા છે. ઉસ્માનને બે ભાઈઓ છે અને તેના પિતાનું નામ તારિક ખ્વાજા અને માતાનું નામ ફોઝિયા ખ્વાજા છે.
તમને જણાવી દઈએ કે ઉસ્માન ખ્વાજાની પત્ની રશેલ મેકકેલને 21 જુલાઈ 2020ના રોજ ઉસ્માન ખ્વાજાની પુત્રી આયશા રાહિલ ખ્વાજાને જન્મ આપ્યો હતો.