હાર્દિક પંડ્યા માટે ખરાબ તબક્કો પૂરો થતો નથી. IPLમાં હાર્દિક પંડ્યાની કપ્તાનીમાં મુંબઈ ઈન્ડિયન્સની ટીમ પોઈન્ટ ટેબલમાં છેલ્લા સ્થાને રહી હતી, હવે હાર્દિક પંડ્યાના અંગત જીવનમાં પણ ઉથલપાથલ થવા જઈ રહી છે.
મીડિયા રિપોર્ટ્સ અનુસાર, પંડ્યા અને તેની પત્ની નતાશા સ્ટેનકોવિક છૂટાછેડા લેવા જઈ રહ્યા છે, જોકે આ વાતની સત્તાવાર પુષ્ટિ થઈ નથી. રિપોર્ટ અનુસાર પંડ્યાની પ્રોપર્ટીનો 70 ટકા હિસ્સો નતાશાને મળશે.
હાર્દિક પંડ્યા અને નતાશા સ્ટેનકોવિક ઘણા સમયથી સાથે જોવા મળ્યા નથી. બંનેએ છેલ્લે 14 ફેબ્રુઆરીએ એક ફોટો શેર કર્યો હતો. હવે બંને વચ્ચે છૂટાછેડાના સમાચાર સામે આવી રહ્યા છે. હાર્દિક-નતાશાના છૂટાછેડાના સમાચારે ત્યારે વેગ પકડ્યો જ્યારે નતાશા સ્ટેનકોવિચે તેના ઈન્સ્ટાગ્રામ પરથી તેની અટક ‘પંડ્યા’ હટાવી દીધી. આ સિવાય નતાશા તેના પતિ હાર્દિક પંડ્યાને સપોર્ટ કરવા માટે IPL મેચ દરમિયાન એક વખત પણ સ્ટેડિયમમાં પહોંચી ન હતી.
હાર્દિક પંડ્યા કરોડોની સંપત્તિનો માલિક છે. તેને IPLમાં ફી તરીકે 15 કરોડ રૂપિયા મળે છે, આ સિવાય તે ભારતીય ક્રિકેટ ટીમ પાસેથી મેચ ફી પણ મેળવે છે. આ સિવાય પંડ્યા જાહેરાતોમાંથી કમાણી કરે છે. થોડા દિવસ પહેલા જ હાર્દિકે મુંબઈમાં 30 કરોડ રૂપિયાનું એપાર્ટમેન્ટ લીધું છે. આ ઉપરાંત વડોદરામાં તેમનું પેન્ટહાઉસ પણ છે. અહેવાલો અનુસાર, છૂટાછેડા પછી, નતાશાએ 70 ટકા સંપત્તિ આપવી પડશે.
કોવિડ દરમિયાન હાર્દિક પંડ્યાએ અભિનેત્રી અને મોડલ નતાશા સ્ટેનકોવિક સાથે કોર્ટ મેરેજ કર્યા હતા. હાર્દિક અને નતાશાને એક પુત્ર છે જેનું નામ અગસ્ત્ય છે.
Smart guy! 🤣 pic.twitter.com/PSEE70X3jW
— Gabbar (@GabbbarSingh) May 25, 2024